Ölkə futbolu
"Simurq"da "Lyers"dəki ilə müqayisədə iki dəfə çox qazanıram"
"Simurq"un yarımmüdafiəçisi Benjamin Lambot Za…
"Simurq"un yarımmüdafiəçisi Benjamin Lambot Zaqataladakı həyatından danışıb, eləcə də burada gördüklərini Belçikadakı ilə müqayisə edib. Futbolinfo.az belçikalı futbolçunun fikirləri ilə sizi də tanış edir.
"Ötən ilin yayında "Lyers"in idman direktor Tomaş Radzinskidən gələcək karyeramla bağlı söz soruşdum. Mənə bildirdilər ki, klubun akademiyasından gələcək bir futbolçu üçün yer boşaltmaq istəyirlər. Belədə mən də öz menecerimlə əlaqə saxladım ki, özümə yeni klub axtarım.Bir neçə təklif almışdım. Elə həmin ərəfədə "Simurq" variantı yarandı. Düşündüm ki, Azərbaycana getmək maraqlı ola bilər. Tədricən özüm üçün yeni ölkə tanıyıram. Yeri gəlmişkən, gələn il Azərbaycanda Avropa Oyunları keçiriləcək. Komandamızda daha çox azərbaycanlı futbolçular yer alırlar. Amma əcnəbilər də var – serblər, xorvatlar və s. İngilis dilində danışırıq. Yerlilər məni təəccübləndirdilər. Mən bu qədər texnikalı uşalar görəcəyimi gözləmirdim".
Lambot vaxtilə "Neftçi"də çıxış etmiş Emil Mpenzadan sonra Azərbaycan futbolunda ikinci belçikalı legionerdi. Amma Mpenza Bakıda yaşayırdısa, Lambot paytaxtdan xeyli aralıda yaşamaqdadı: "Dörd saatlıq taksi və ya altı saatlıq avtobus yolçuluğu səni Bakıya çatdırır. Yollar isə heç də Belçikadakı kimi deyil. Yoldaşım və üç uşağımız Belçikada qalır".
"Zaqatalada oyunlara orta hesabla 3-4 min adam gəlir. Darıxdırıcı olanda şəhərin mərkəzində gəzişmək olur. Baxmayaraq ki, çox da böyük deyil. Yaxud da ikisi sırf idman olmaqla 60 televiziya kanalına baxmaq imkanım olur. Sosial şəbəkələrdə çox otururam. Bu da dostlarımla, ailəmlə mütəmadi əlaqə saxlamaq üçündü. Maaşlara gəlincə, kifayət qədər əlverişlidi. Məsələn, burada "Lyers"də aldığımdan iki dəfə çox qazanıram".
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…