Ölkə futbolu
İqbekoyi AZAL-dan getdi: başqa kimlər gedəcək?
AZAL-ın yarımmüdafiəçisi Viktor İqbekoyi komandadan ay…
AZAL-ın yarımmüdafiəçisi Viktor İqbekoyi komandadan ayrılıb. Bu barədə futbolinfo.az saytına klubun vitse-prezidenti Fikrət Hüseynov məlumat verib.
Hüseynov daha 2 futbolçu – Cahangir Həsənzadə və Aleksandr Şemonayevlə isə danışıqların davam etdiyini bildirib:
"İqbekoyi ilə razılığa gələ bilmədik. Biz yeni müqavilə təklif etdik və qazancı da əvvəlki kimi göstərdik. Lakin hansısa səbəbdən Viktor müqaviləni müddətini artırmaq istəmədi. Cahangir Həsənzadə və Aleksandr Şemonayevlə də danışıqlar davam edir. Düzdü, Şemonayevlə hələ ki, ortaq məxrəcə gəlməmişik, amma o, yaxşı futbolçudu. İstəyərdik ki, komandada qalsın. Cahangirin yeni qapıçı gəlsə, komandadan göndəriləcəyi haqda məlumatlar doğru deyil. Bizdə 2 qapıçı var, amma bu, 3 olmalıdı. Ona görə də yeni qapıçı axtarırıq. Məşqçilik məsələsinə gəlincə isə, hər şey ola bilər. Cahangir məşqçi kimi təcrübəsizdi, ancaq qapıçılarla işləmək olar, niyə də olmasın? Ancaq hələ tezdi".
Bundan başqa klub rəsmisi gedən futbolçuların yerinin əsasən legionerlə doldurulacağını söyləyib: "Xeyli futbolçu göndərildi. Bundan sonra heç kim komandadan getməyəcək. Artıq heyəti formalaşdırırıq. Bir neçə yerli futbolçu cəlb edəcəyik. Qalan boşluqları legionerlə dolduracağıq. Əcnəbilər əsasən Afrika, Avropa ölkələrindən olacaq. Danışıq apardığımız futbolçular var. Böyük ehtimalla legionerlər toplanışda heyətə qoşulacaq. Lakin bir neçə futbolçu var ki, onlar birbaşa müqaviləyə gələcək".