Ölkə futbolu
“Qarabağ”ın maraqlandığı hücumçu özünü “yandırıb”
“Düzünü desəm, mənə Superliqa klublarından da…
“Düzünü desəm, mənə Superliqa klublarından da təklif var. Əlbəttə, ad çəkməyəcəyəm. Çünki bir neçə dəfə ad çəkib özümü “yandırmışam”. Futbolinfo.az xəbər verir ki, bunu “Samsunspor”un bosniyalı hücumçusu Eldin Adiloviç deyib.
Türkiyə mətbuatının iddiasına əsasən “Qarabağ”ın hücum xəttinə transfer etmək istədiyi futbolçulardan biri də Eldin Adiloviçdir. Ağdam təmsilçisi bu keçid üçün iyunun 2-də “Samsunspor”la danışıqlar masası ətrafına əyləşib. Adiloviçin “Samsunspor”la müqaviləsi olduğu üçün Ağdam təmsilçisi kompensasiya ödəməlidir.
Hazırda Bosniya və Herseqovinada istirahətdə olan Adiloviç isə ilk dəfə keçidi ilə bağlı danışıb. Ancaq o, “Qarabağ” haqqında heç nə deməyib: “Müqavilə bağlamayana kimi ictimaiyyətə heç nə açıqlamayacağam. Əsas problem ondadır ki, mənim “Samsunspor”la hələ 2 illik müqaviləm var və onlar məni pulsuz buraxmaq istəmir. Onlar növbəti mövsüm I dəstədə finişə 1-ci kimi çatmaq istəyir. Ümid edirəm k, hazırkı klubumla təzminatla bağlı danışıqlar aparmaq imkanım olacaq və qarşıdakı mövsüm Türkiyədə güclü komandalara qarşı oynayacağam”.
Qeyd edək ki, 2009/10 mövsümündə “Muğan”da çıxış etmiş Adiloviçlə “Qarabağ”dan başqa, “Kayzerslautern”, “Bursaspor” və “Gənclərbirliyi” klublarının maraqlandığı iddia edilir. O, başa çatan mövsüm “Samsunspor”da 27 matça 16 qol vurub və 5 məhsuldar ötürməyə imza atıb. (apasport.az)
- Milli komanda2024-05-08 12:17
Millimizin gələcək baş məşqçisi Bakıya gəlir
- Ölkə futbolu2024-05-08 09:27
Georgiyevski “Neftçi”nin nəticələrini qəbulolunmaz sayır: “Qarabağ” nə qədər güclü olsa da…”
- Milli komanda2024-05-07 22:55
AFFA Ştefan Kuntsla danışıq aparır? – Rəsmi açıqlama
- Ölkə futbolu2024-05-08 16:22
PFL-lə “YAŞAT” Fondu arasında anlaşma memorandumu imzalandı