Ölkə futbolu
“Qəbələ”nin hazırlıq planı açıqlandı
Ölkəmizi ilk dəfə avrokuboklarda təmsil edəcək “Qəb?…
Ölkəmizi ilk dəfə avrokuboklarda təmsil edəcək “Qəbələ”nin hazırlıq planı müəyyənləşib. Futbolinfo.az xəbər verir ki, bölgə təmsilçisi baş məşqçi təyinatına görə gecikdiyindən, əvvəlcədən nəzərdə tutulan 2 mərhələli toplanışdan imtina edib.
Belə ki, ilk mərhələ üçün Türkiyənin Bolu şəhərində 1 həftəlik təlim-məşq toplanışı nəzərdə tutulsa da, vaxt azlığından buna ehtiyac duyulmayıb. Əvəzində “Qəbələ” hazırlıqlarını birbaşa Mərkəzi Avropa ölkəsində keçirəcək.
Avstriya və Sloveniya üzərində seçim edən “qırmızı-qaralar” 2-ci ölkəyə üstünlük verib. Komanda Sloveniyaya iyunun 12-də yola düşəcək və hazırlıqlar 15 gün davam edəcək. Ancaq püşkatmanın nəticəsindən asılı olaraq, ölkə xaricindəki toplanışın müddəti uzana da bilər.
Qeyd edək ki, “Qəbələ” Sloveniya toplanışı zamanı 5 yoxlama oyunu keçirməyi nəzərdə tutub. (klub saytı)