Dünya futbolu
İngilislər "Şeffild Uensdey" klubunun satış məbləğini açıqladılar
Britaniya mətbuatı İngiltərənin "Şeffild Uensdey" klub…
Britaniya mətbuatı İngiltərənin "Şeffild Uensdey" klubunun həmyerlimiz, iş adamı, “Bakı” FK-nın prezidenti Hafiz Məmmədov tərəfindən alınmasını müzakirə etməkdə davam edir. Futbolinfo.az xəbər verir ki, Britaniyanın “The Star” nəşri dünyanın ən qədim klublarından birinin alınmasına sərf edilmiş məbləği acılayıb:
“Bir neçə ay davam etmiş müzakirələrdən sonra “Şeffild Uensdey” azərbaycanlı iş adamı Hafiz Məmmədov tərəfindən alındığını təsdiqlədi. Saziş məbləği təqribən 40,4 milyon funt-sterlinqdi (50 milyon avro). Bu məbləğ həmçinin, Məmmədovun kluba nə qədər investisiya yatıracağı haqda sual doğurur.
Əvvəllər, ötən yay azərbaycanlı iş adamı Fransanın “Lans” klubun aldı. Məlumata görə, bu sövdələşməyə 20 milyon avro xərclənib. Bu saziş komandaya yenidən qurularaq, mövsümn yekunlarına görə Fransa yüksək liqasına vəsiqə əldə etməyə imkan verdi.
Milan Mandariç vəd edib ki, “bayquşlar”ın yeni sahibinə Çempionşipdə uğur əldə etməyə kömək etmək üçün, mümkün hər şeyi edəcək. Klubun sədri vəzifəsində qalacaq Mandariç Məmmədovu “xüsusi adam” kimi təsvir edib və onun komandanın Premyer Liqaya qayıtmasına kömək edəcəyinə əminliyini dil gətirib.
Mandariçin sözlərinə görə o, klubun yeni sahibinə inanır: “Mən düşünürəm ki, azarkeşlər cənab Məmmədovdan məmnun olacaqlar və o, xoş təəssürat yaradacaq. Mən onun baxışlarını dəstəkləmək üçün hər şey edəcəm. O, futbol adamıdı və bu böyük kluba nə lazım olduğunu gözəl başa düşür”. (azerisport.az)