Ölkə futbolu
"Bakı"nı elitada hansı klub əvəzləyə bilər?
Maliyyə problemləri içində çabalayan "Bakı"…
Maliyyə problemləri içində çabalayan "Bakı"ya FİFA-nın sanksiya tətbiq edəcəyi hər kəsə məlumdu. Əgər paytaxtın eyniadlı təmsilçisi sabiq müdafiəçisi Aleksandr Tomovskiyə olan borcunu vaxtında ödəməsə, o zaman ali futbol qurumu "zolaqlılar"a qarşı daha sərt sanksiyalar tətbiq edəcək. Belə ki, "Bakı" 6 xalından məhrum ola və aşağı liqaya göndərilə bilər. Əgər "Bakı" aşağı liqaya göndərilsə, o zaman Premyer Liqaya yeni bir komanda yüksəlməlidi. Aşağı dəstəyə nəzər saldıqda, "Neftçala", "Qaradağ Lökbatan" və elitadan son mövsüm düşən "Rəvan"ın güclülər dəstəsinə yüksəlmək ehtimalının daha çox olduğunu görərik.
Bəs sözügedən klublar necə, "Bakı" aşağı dəstəyə düşərsə, onu əvəzləməyə hazırdımı?
İlqar Axundov ("Rəvan"ın İdarə Heyətinin üzvü"): "AFFA prezidentinin qərarı var ki, 1 komanda elitadan düşür və aşağı dəstədən 1 komanda Premyer Liqaya yüksəlir. O ki, qaldı hansısa klubun cərimələnib aşağı liqaya düşməsinə, onun əvəzinə hansısa klubun güclülər dəstəsinə yüksəlməsinə, bu da AFFA-nın qərarına əsasən olacaq. Biz artıq 1-ci divizionun şəraitinə uyğun işlərimizi qururuq və ona hazırlaşırıq".
Famil Səfiyev ("Neftçala"nın prezidenti): "Bu gün şərait və bəzi imkanlar baxımından biz güclülər dəstəsində iştirak edə bilmirik. Bizdə lisenziyalaşdırma ilə bağlı görüləsi işlər var və onları tez bir zamanda çatdıra bilmirik. Özümüz də fikirləşirik ki, bizə güclülər dəstəsində işləmək çətin olacaq. İstər stadion, istər qonaq komandanın qəbulu baxımından problemlərimiz var. Sırf bu baxımdan biz yeni mövsümü 1-ci divizionda keçirmək üçün hazırlaşırıq".
Tahir Mustafayev ("Qaradağ Lökbatan"ın prezidenti): "Yaxşı olar ki, öz gücümüzə Premyer Liqaya çıxaq. İstəmərəm ki, "Bakı" kimi komanda aşağı liqaya düşsün. Gözəl şəraiti, komandası və bazası var. Bizə yaraşmır ki, "Bakı"nın 1-ci diviziona düşməsinə dua edək. Biz əksində dua edirik ki, "Bakı" elə Premyer Liqada qalsın. Artıq biz komandanı divizona uyğun yığmışıq".
Göründüyü kimi aşağı dəstənin iddialı klubları sırasında elitaya çıxamağa hazır olan yalnız "Rəvan"dı. "Neftçala" və "Qaradağ Lökbatan" isə elitaya yüksəlmək üçün ən azı növbəti mövsümü gözləməli olacaq. Təbii ki, "Bakı"nın hazırkı durumu Azərbaycan futboluna heç cür xeyir verə bilməz. Milinko Pantiçin komandasının aşağı liqaya düşməməsi Hafiz Məmmədovdan asılıdı. Əgər Məmmədov əlini cibinə salsa, onda aşağı dəstə klubları da hələlik elita haqda düşünməz. Yox, əgər klub prezidenti Tomovskinin pulunu ödəməsə, o zaman "Bakı" indidən aşağı liqa haqda fikirləşməlidi.
RÖVŞƏN ƏHLİMANOĞLU
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Müsahibə2024-04-10 11:44
Subaşiç “Neftçi” və “Qəbələ”yə görə məyusdur: “Rəhbərlik heyət və məşqçi ilə bağlı qərar verməlidir”
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…