Ölkə futbolu
Del Boske: "DÇ ilə erkən vidalaşmağı haqq etdik"
İspaniya millisinin baş məşqçisi Visente del Boske DÇ…
İspaniya millisinin baş məşqçisi Visente del Boske DÇ-2014-də Çili ilə oyundan sonra açıqlama verib. Futbolinfo.az xəbər verir ki, o, rəqibdən yaxşı oynamadıqlarını etiraf edib:
“Buna görə də mundialı erkən tərk edəcəyik. Hadisələr gözlədiyimiz kimi olmadı. Komandamı müxtəlif dövrlərdə oynayan İspaniya yığması ilə müqayisə etmək istəmirəm. Komandanın dünya çempionatına yaxşı hazırlaşmadığı fikri ilə razı deyiləm. Biz yaxşı hazırlıq keçdik və əla forma yığmışdıq. Ancaq alınmadı. Düşünürəm ki, Hollandiyaya acı məğlubiyyət çiyinlərimizə ağır yük qoydu. Çili bizimlə müqayisədə daha aqressiv oynadı. Bu, işimizi çətinləşdirdi. İkinci hissədə daha yaxşı oynasaq da, bəxt bizim tərəfimizdə olmadı. Dünya çempionatı ilə erkən vidalaşmağı haqq etdik. Xarakter nümayiş etdirmək istədik, bunun üçün irəli atıldıq. Lakin son anda lazımi zərbəni vura bilmədik. Əgər məğlub olursansa, deməli daha çox işləməlisən".
Qeyd edək ki, İspaniya qrupdan çıxmaq şansını tamamilə itirib.