Ölkə futbolu
Milinko Pantiç gedəcək futbolçuların adını açıqladı (ÖZƏL)
"Bakı" sabah növbəti mövsümün hazırl?…
"Bakı" sabah növbəti mövsümün hazırlığı üçün bir araya gələcək. Futbolinfo.az xəbər verir ki, paytaxt təmsilçisi iyulun 1-də təlim-məşq toplanışı üçün Avstriyaya yola düşməyi planlaşdırır.
"Ağ-zolaqlılar" sabah saat 11:00-da "Bakı" futbol klubunun bazasında növbəti mövsüm üçün ilk məşqinə çıxacaq. Komandanın baş məşqçisi Milinko Pantiç hələ ki, ölkəmizə gəlməyib. Saytımıza açıqlamasında klubun vitse-prezidenti Yaşar Seyidov onun nə zaman gələcəyini hələ dəqiq bilmədiyini desə də, serb çalışdırıcının köməkçilərinin artıq paytaxtımızda olduğunu, sabah komandanı məşqə çıxaracaqlarını bildirdi.
Bundan başqa Pantiç təlim-məşq toplanışına aparacağı azərbaycanlı futbolçuların siyahısını da rəhbərliyə təqdim edib. Bunlar Əfran İsmayılov, Rauf Əliyev, Aqil Məmmədov, Vüqar Bəybalayev, Elxan Əhmədov, Vadim Abdullayev, Cavid Hüseynov, Şəhriyar Əliyev, Namiq Ələsgərov, Tural Qürbətov, Vüqar Mustafayev, Valeh Seyidov, Mahir Mədətov, Ülvi Süleymanov, Budaq Nəsibov, Elməddin Məmmədov, Elton Hüseynov və Nicat Əsgərovdu.
Pantiç hələ ki, təlim-məşq toplanışına aparılacaq legionerlərin siyahısını klub rəhbərliyinə təqdim etmyib. Seyidovun sözlərinə görə, bütün legioner futbolçuların şengen vizası olduğundan, əcnəbi futbolçunun hər hansı bir ölkəyə keçməsi problem olmur. Pantiçin yerli futbolçuların siyahısını tez göndərib ki, azərbaycanlı oyunçular vaxtında viza ilə təmin olsunlar. Baş məşqçinin yaxın 2 gün ərzində legioner futbolçulardan kimin komandada qalıb-qalmayacağını açıqlaması gözlənilir.
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…
- Premyer-liqa2024-04-20 20:55
“Zirə” “Neftçi”yə qalib gəldi