Ölkə futbolu
XL Ərzurumdan ayrıldı, Sloveniyaya üz tutdu
Yeni mövsümün hazırlığı üçün ilk o…
Yeni mövsümün hazırlığı üçün ilk olaraq Türkiyənin Ərzurum vilayətində toplaşan “Xəzər Lənkəran” hazırlığın ilk mərhələsini başa vurdu. Futbolinfo.az xəbər verir ki, iyun ayının 23-dən etibarən qardaş ölkədə toplanışını davam etdirən komanda ötən gün hazırlığın ikinci mərhələsi üçün məskunlaşdığı oteli tərk edib.
“Xəzər Lənkəran” Ərzurum-İstanbul-Zaqreb aviareysi ilə Xorvatiyaya yetişib oradan avtobusla Sloveniyaya yola düşərək Toplise yaxınlığındakı 5 ulduzlu “Livada Prestij” otelində məskunlaşıb. Hazırlığının ilk mərhələsində, Ərzurum toplanışında əsasən fiziki hazırlıq üzərində çalışan komanda Sloveniya toplanışında taktiki hazırlığa daha çox önəm verəcək və 4 yoxlama oyununa çıxacaq.
Qeyd edək ki, Sloveniya toplanışının iyul ayının 29-na qədər davam etməsi planlaşdırılıb. (klub saytı)