Ölkə futbolu
Belqredyan Azərbaycan klubuna keçir
Növbəti mövsüm üçün transfer ç…
Növbəti mövsüm üçün transfer çalışmalarını davam etdirən "Xəzər Lənkəran" daha bir futbolçunu heyətinə qatmaq istəyir. Futbolinfo.az Rumıniya mətbuatına istinadən xəbər verir ki, bu, "Dinamo" (Buxarest) klubunun qapıçısı Kristian Belqredyandı.
Mənbədə qeyd olunur ki, hazırda hər iki klub arasında danışıqlar davam edir. Ancaq Rumıniya təmsilçisinin 26 yaşlı qolkiperin transferi üçün 350 min ABŞ dolları istəməsi bu keçidi yubandırır. "Xəzər Lənkəran" tərəfi bu oyunçuya görə sözügedən məbləği ödəmək istəmir. Amma Belqredyanın klubu ilə əlaqələrini kəsib, azad agent olması bu keçidi tezləşdirə bilər.
Qeyd edək ki, Rumıniya millisinin üzvü 2010-cu ildə Buxarest təmsilçisinə transfer olunub və həmin ildən də ölkənin digər klubu "Unirya"ya (Urziçeni) icarəyə verilib. O, ötən mövsüm Belçikanın "Standart" klubuna keçmək istəsə də, bu transfer baş tutmamışdı.