Müsahibə
Kaxaber Sxadadze hələ "Elfsborq" haqda düşünmür
"İnter" klubunun baş məşqçisi Kaxaber Sxadadze Av…
"İnter" klubunun baş məşqçisi Kaxaber Sxadadze Avropa Liqasının ikinci təsnifat mərhələsi çərçivəsində Moldova "Tiraspol"una qarşı keçirəcəkləri cavab oyunundan öncə jurnalistlərin suallarını cavablandırıb. Futbolinfo.az sizi gürcüstanlı məşqçinin açıqlamaları ilə tanış edir:
– Oyunumuz iki mərhələdən ibarətdi. İlk oyunda qələbə qazandıq. Nəticə yaxşı oldu. Evə bizə sərf edən nəticə ilə qayıtdıq. Razı qalmadığım tək şey 3:0 irəlidə ikən 2 qol buraxmağımız oldu. Səhvlərimizi izlədik, analiz etdik. Müsbət və mənfi cəhətlərimiz nələrdisə, onları müəyyənləşdirdik. Bütün həftəni çox yaxşı çalışdıq. İnanıram ki, cavab oyunu da uğurlu olacaq və bizə sərf edən nəticə ilə növbəti mərhələyə vəsiqə qazanacağıq.
– Demək olar ki, növbəti mərhələyə vəsiqənin taleyini 70 faiz həll etmisiz. Növbəti rəqib "Elfsborq" komandası olacaq. Bu komanda ilə maraqlanmısız?
– Təbii ki, yox. Çünki hələ "Tiraspol"la daha bir 90 dəqiqəlik oyunumuz var. Bizə çox diqqətli olub, səhv buraxmamaq lazımdı. Ən yaxşı oyunçularımızdan biri olan Elvin Məmmədov təəssüf ki, zədələndi. Cavab oyununda iştirak edə bilməyəcək. Bu mənfi haldı. Amma bizim heyətimizdə onu əvəz edəcək futbolçular var və inanıram ki, uğurlu çıxış edəcəklər. O ki qaldı bizim şansımıza, indidən yüz faizlik heç bir söz deyə bilmərik. Bizə aqressiv oyun lazımdı. İlk oyunda bu aqressiya yox idi. İndi evdə oyun aqressiyasını göstərmək lazımdı.
– Oyunu analiz etdiyinizi dediz. 3:0-dan sonra 2 qol buraxmağı nə ilə əlaqələndirirsiz?
– Bizim də öz fikirlərimiz var. Oyundan əvvəl bunu demək istəmirəm. Biz öz səhvlərimizi bilirk və oyunçularla da bunu müzakirə etmişik. Seçimlərimizi də etdik. Lazım olan rahatlaşmamaq idi. Təəssüf ki, qol vursaq da, müdafiəmizi boş buraxdıq. Amma, bu, geridə qaldı. İndi sabahkı oyuna köklənməliyik. Qələbə qazanıb, lazımı nəticəni əldə etməliyik.
- Premyer-liqa2024-05-17 23:50
“Əcnəbi hakimlərinin dəvət olunmasını xoş qarşılamadım” – Qurban Qurbanov
- Premyer-liqa2024-05-18 18:58
“Neftçi”, “Zirə” və “Sabah”dan vacib qələbə
- Ölkə futbolu2024-05-19 10:44
Mahirin 2024-cü ildə ilk oyunu
- Premyer-liqa2024-05-18 09:00
“Sabah” “Sumqayıt”a, “Səbail” “Neftçi”yə, “Kəpəz” “Zirə”yə qarşı