Müsahibə
Denis Silva: "Test uğurlu alınsa, Avroliqa oyunlarında iştirak edə biləcəm"
"Neftçi" klubunun braziliyalı müdafiəçi…
"Neftçi" klubunun braziliyalı müdafiəçisi Denis Silvanın futbolinfo.az saytına müsahibəsi
– Bu mövsüm Avropa Liqasındakı hədəfləriniz nələrdi?
– Təbii ki, Avropa Liqasında çalışdığımız qədər irəliləmək istəyirik. Hesab edirəm ki, komandamızda yaxşı oyunçular var. Sadəcə olaraq, yaxşı çalışmaq və həmin oyunlara hazırlaşmaq lazımdı.
– Avroliqadakı ilk oyunları buraxacağınız bildirilir. Zədəniz nə yerdədi?
– Hazırda Bakıdayam və müalicəm davam edir. Gələn həftə məşqlərə başlayacam.
– Bəs klubunuzdan dedilər ki, minimum 3 həftə məşq edə bilməz…
– Düz deyiblər, amma, gələn həftə test xarakterli yüngül məşqlərə başlayacam. Bu testdən sonra sizə dəqiq bir şey deyə bilərəm.
– Belə çıxır ki, Avropa Liqasının ikinci təsnifət mərhələsinin oyununda çıxış etmək ehtimalınız var?
– Demək olar ki. Amma yenə deyirəm, testdən necə çıxacağım çox önəmlidi.
– Avstriya toplanışına aparılmasaz da, hər halda, komanda yoldaşlarınızla hazırlıq barədə danışmısız. Avropa Liqasına hazırlığınızı necə qiymətləndirirsiz?
– Hər şey yaxşıdı. Hazırlıqlar davam edir. Hesab edirəm ki, "Neftçi" Avropa Liqasının oyunlarına hazırdı.
– Hər şey yaxşıdı. Hazırlıqlar davam edir. Hesab edirəm ki, "Neftçi" Avropa Liqasının oyunlarına hazırdı.
– Dünya çempionatının yarımfinalinda ölkəniz Braziliyanın milli komandası Almaniya qarşısında biabırçı hesabla (1:7) məğlub oldu. Bunu yığma komandanız üçün faciəvi adlandırmaq olar?
– Açığı, həmin oyunu izləmədim. Amma böyükhesablı məğlubiyyətin faciəvi olub-olmamasını dəqiq deyə bilmərəm. Məncə, pulsuzluq, insan ölümü kimi şeylər daha faciəvidi. Tyaqo Silva və Neymarın yoxluğu Braziliya millisinə çox təsir etdi. Çünki onlar komanda üçün çox önəmli futbolçulardı. Bu, futboldu və oyundan öncə hər bir nəticəni gözləmək olar.
– Azərbaycanın "İnter" və "Qəbələ" klubları sabah Avropa Liqasının cavab görüşlərində qüvvələrini sınayacaqlar. Onların mərhələ adlamaq şanslarını necə dəyərləndirirsiz?
– Onların hər ikisi güclü klublardı. Ona görə, hər iksinin də mərhələ adlamaq şansı var. Düzdü, "Qəbələ" "İnter"dən fərqli, ilk oyunda məğlub oldu, amma bu komandanın da şansı qalır.
ELMAR VƏLİYEV