Ölkə futbolu
Bayramovla Mehdiyev 1,87 qəpiyin ümidinə qalıb (ÖZƏL)
Müqavilə ilə "Rəvan"a məxsus olan yarımmüdafi…
Müqavilə ilə "Rəvan"a məxsus olan yarımmüdafiəçi Ayaz Mehdiyevlə qapıçı Kamal Bayramov yeni klubu olan "Girəsunspor"da çox qalmaycaq. Futbolinfo.az xəbər verir ki, futbolçular tezliklə komandanı tərk edəcək.
Əldə etdiyimiz məlumata görə, futbolçular Türkiyədə xoş qarşılansa da, iki gün sonra klubda çalışanlara pul verilmədiyindən xəbər tutublar. Komandanın baş məşqçisi Mehmet Birinci belə artıq bir neçə aydır ki, maaş üzünə həsrətdi. Növbəti mövsümü Türkiyə PTT 1-ci Liqasında mübarizə aparcaq komandanın hazırda 15 milyon türk lirəsi borcu var. "Girəsunspor"un heç Türkiyənin aşağı divizion təmsilçisi olan "Ümraniyespor"dan 25 min dollar ödəyib, futbolçu almağa belə imkanı yoxdu.
Komandanın durumunun yaxşılaşması üçün klub rəhbərliyi kampaniya başlatsa da, bu da bir fayda vermir. Belə ki, yerli azarkeşlər komandanın ayaqda qalmasını istəyirsə, "GİRƏSUNSPOR" yazıb 8071-ə göndərməlidi. Bu mesaj kampaniyasından hərə ay ərzində 1 dəfə yararlana bilər. Bu kampaniyadan istifadə edən şəxs ay ərzində komandaya yalnız 1,87 qəpik kömək etmiş olur.
Göründüyü kimi, futbolçularımızın pənah apardığı komandanın durumu ürəkaçan deyil. Komanda Girəsun bölgəsində yaşayan iş adamlarından da yardım istəyir. Girəsun Bələdiyyə sədri Lokman Çağırıcı isə öz növbəsində komandanın köhnə avtobusunu yeniləmək istəyib. Bunun üçün Çağırıcı kluba avtobus hədiyyə etmək istə də, klub prezidenti Mustafa Temel Bozbağ avtobusun maddi köməklə əvəzlənməsini xahiş edib.
"Rəvan"a məxsus olan futbolçularla müqavilə bağlayan türk klubu Bayıl təmsilçisinə hələ də pul ödəmyib. Onlar pul ödəməyəcyi təqdirdə "Rəvan" futbolçuların transfer kağızını verməcəyək. Əslində, "Rəvan" tərəfindən tələb olunan məbləğ bir o qədər də ciddi rəqəmlərdən ibarət deyil. Bu məbləğ Azərbaycanda çıxış edən orta səviyyəli legioner futbolçunun 1 aylıq maaşından bir qədər çoxdu. Ancaq 25 min dollara "Ümraniyespor"dan futbolçu transfer etməyə gücünün olmadığını nəzərə alsaq, türklərin bizimkilərə pul verəcəyi heç inandırıcı görünmür. Redaksiyamıza daxil olan məlumata görə, Bayramova nisbətən daha gənc olan Mehdiyev ora getdiyinə artıq peşman olub. O, ilk fürsətdə "Girəsunspor"u tərk etmək istəyir.
EMİN SƏFƏROV