Ölkə futbolu
"Qəbələ" Anar Nəzirovu "Xəzər Lənkəran"a buraxmır
Ötən mövsümün ilk yarısında "Sumqayıt&quo…
Ötən mövsümün ilk yarısında "Sumqayıt"ın qapısını qoruyan milli komandamızın üzvü Anar Nəzirov qış "transfer pəncərəsi" zamanı “Qəbələ”yə transfer olunsa da, forma şansı qazana bilmədi. Futbolinfo.az xəbər verir ki, buna səbəb məşqçilərin qapını millimizin əsas qapıçısı olan Kamran Ağayevə tapşırmasıydı.
Ehtiyatda qalmağı sevməyən Nəzirov "qırmızı-qaralı" komandadan ayrılaraq başqa bir kluba keçmək istəyir. Anarın artıq real "elçi"si də var. Belə ki, qapıçı axtarışlarını davam etdirən "Xəzər Lənkəran" millimizin üzvünu heyətinə qatmaq istəyir. Hətta tərəflar arasında razılaşma da olub. Razılaşmaya əsasən, 29 yaşlı əlcək sahibi "Qəbələ"dən ayrılsa, cənublular onunla iki illik müqavilə imzalayacaq.
Anarın özü komandadan ayrılmaq istəsə də, onunla müqaviləsi olan "Qəbələ" rəhbərliyi qapıçını burxmaq istəmir.
Qeyd edək ki, Anar Nəzirovun "Qəbələ" ilə müqaviləsinin başa çatmasına 5 ay qalıb.