Ölkə futbolu
Acius: "Qarabağ"a qarşı müdafiədən oynayıb, əks-hücumlar qurmalıyıq"
UEFA Çempionlar Liqasının ikinci təsnifat mərhələsi &cced…
UEFA Çempionlar Liqasının ikinci təsnifat mərhələsi çərçivəsində son Azərbaycan çempionu “Qarabağ”la qarşılaşacaq Maltanın “Valletta” klubunun baş məşqçisi Gilbert Acius rəqiblə bağlı açıqlama verib. Futbolinfo.az xəbər verir ki, 40 yaşlı mütəxəsiss bunları söyləyib:
“Hədəfimiz çalışmaq və təmiz bir səhifə açmaqdı. İnanıram ki, hazırkı oyunçularımla 90 dəqiqə ərzində oyuna yaxşı köklənib, rəqibə problem yarada bilərik. Vəziyyətimizi də nəzərə alaraq, bu matça ən yaxşı şəkildə hazırlaşmağa çalışdıq”.
O, rəqibdən çəkindiyini də gizlətməyib: “Qarabağ” son iki mövsümdə Avropa Liqasında 3 mərhələ adlayıb. Bu da rəqibin olduqca güclü olduğunu göstərir. “Qarabağ” baxımlı futbol oynamağa çalışır. Onların 3 braziliyalı hücumameyilli yarımmüdafiəçisi var ki, sürətli hücum quraraq, rəqibə təhlükə yarada bilirlər. Rəqibin cinah müdafiəçiləri də tez-tez hücuma kömək edirlər. “Qarabağ” oyunlarda topa daha çox sahib olmağı sevir. Buna görə də biz müdafiədən oynayıb, əks-hücumlar qurmalıyıq”.
Qeyd edək ki, "Valletta" – "Qarabağ" oyunu bu gün keçiriləcək və Bakı vaxtıyla saat 21:30-da start götürəcək.