Müsahibə
Subaşiç: “Mahir və Vaqif ilə bu barədə söhbətimiz olmayıb”
Futbol üzrə Azərbaycan millisinin sabiq hücumçusu B…
Futbol üzrə Azərbaycan millisinin sabiq hücumçusu Branimir Subaşiçin futbolinfo.az saytına müsahibəsi
– “Orduspor”la yollarınızı ayırdınız. Həmin klubdakı karyeranızı necə dəyərləndirərdiz?
– Orada heç də pis mövsüm keçirmədim. Az qala Türkiyə Super Liqasına vəsiqə qazanırdıq. Klubu tərk elədim və bunun da bir səbəbi var. Çünki orada maliyyə problemləri yaşayırdım. Demək olar ki, mövsüm boyu orada bu problemlə üzləşdim.
– Əvvəl “Bucaspor”la anlaşmışdız, amma sonra “Manisaspor”a keçdiniz və bu addımınız iki klub arasında sözlü münaqişəyə səbəb oldu…
– Sonradan eşitdim ki, “Bucaspor”da da “Orduspor”da olduğu kimi maliyyə problemləri var. Çoxlu insan mənə zəng edib, bu barədə məlumat verdi. “Manisaspor” isə mənə daha yaxşı maliyyə şərtləri olan təklif göndərdi və onlarla razılaşdım.
– Artıq “Manisaspor”la anlaşmısınız. Yeni klubunuzdakı hədəfləriniz nələrdi?
– Hədəfim həmişə oynamaqdı. Çalışacağam ki, mənə olan etimadı doğruldum. Görək necə olacaq.
– Bakı “İnter”inə keçəcəyiniz deyilirdi. Bu transfer hansı səbəbdən baş tutmadı?
– 5 ildi ki, “İnter”lə adım hallanır. Amma ortada bir şey yoxdu.
– Nə vaxtsa Azərbaycan Premyer Liqasına qayıtmaq fikiriniz var?
– Bəli. Bu mənim ən böyük arzumdu. Azərbaycana qayıdıb, karyeramı bitirənə qədər orada futbol oynamaq istəyirəm. Azərbaycanda çox şey öyrəndim. Ən yaxşı illərim orada keçdi.
– Azərbaycan millisindən komanda yoldaşlarınız Vaqif Cavadov və Mahir Şükürov növbəti mövsümdən Türkiyə PTT 1-ci Liqasında çıxış edəcəklər. Oraya getməmişdən əvvəl onlar sizdən Türkiyə çempionatı ilə bağlı nəsə soruşub, məsləhət aldılarmı?
– Mahir və Vaqiflə bu barədə söhbətimiz olmayıb. Onlara uğurlar arzulayıram. Ümid edirəm ki, hər şey istədikləri kimi olar.
– Bildiyiniz kimi, həmin futbolçular millimizin aparıcı üzvləridi. Onların Türkiyə klublarına keçidləri ilə bağlı nə deyə bilərsiz? Sizcə, düzgün addım atdılar?
– Niyə də yox? Türkiyə yaxşı ölkədi. Orada çox şey öyrənə bilərlər. Türkiyədə bizə qarşı yaxşı münasibət var.
ELMAR VƏLİYEV
- Premyer-liqa2024-05-25 08:32
Mövsümün son turuna start verilir
- Ölkə futbolu2024-05-26 09:00
Avrokubokdan kənar qalmaq “Neftçi”nin xilası üçün şansdır
- Premyer-liqa2024-05-25 21:02
“Zirə”, “Sabah” və “Sumqayıt” avrokuboklara vəsiqəni təmin etdilər!
- Ölkə futbolu2024-05-26 11:51
“Neftçi” baş məşqçisi ilə yollarını ayırdı