Ölkə futbolu
"Elfsborq"un məşqçisi: "Çox məyusuq, bizə təkan lazımdı"
İsveçin "Elfsborq" klubunun baş məşqçi k&o…
İsveçin "Elfsborq" klubunun baş məşqçi köməkçisi Yan Miyan Avropa Liqasının ikinci təsnifat mərhələsi çərçivəsində keçiriləcək “İnter”lə cavab matçı öncəsi fikirlərini açıqlayıb. Futbolinfo.az xəbər verir ki, klub saytına danışan mütəxəsiss təmsilçimizlə oyun ərəfəsində bunları dilə gətirib:
“Özümüzə inanırıq və bu oyunu lehimizə çevirmək üçün əlimizə yaxşı fürsət düşüb. Məşqdə taktiki çalışmalarımız çox olacaq. Həmçinin sürətlə bağlı da çalışacağıq. Bu ara gərgin oyunlar keçirdik və enerjimizə də qənaət etməliyik. Nə olur-olsun, mərhələ adlamalıyıq. Cavab oyununda bəzi taktiki dəyişikliklər də edəcəyik. Amma bunu tam olaraq açıqlamaq istəmirəm. Bizə kömək edəcək bəzi təhlillərimiz var, amma oyunu əvvəlcədən analiz etməliyik”.
Miyan komandadakı çatışmazlıqlardan da söz açıb: “Norrçöpinq”lə oyuna nəzər yetirsək, görərik ki, həmin matçdakı ötürmələrimiz yaxşı alındı. Amma həmin oyundakı səhvlərimiz rəqibə çoxlu qol imkanları yaratdı. Çox məyusuq və bizə təkan lazımdı. Komandamız gənc oyunçulardan ibarətdi və yeni baş məşqçi ilə çalışır. Oyunçulara çoxlu tələblər qoymalıyıq və onlar da cəsarətli olmalıdılar. Məqsədimiz yaxşı komanda qurmaqdı. Əlbəttə ki, bunu edərkən qələbələr də qazanmalıyıq”.