Ölkə futbolu
“Bakı”nın borclarını “Xəzər Lənkəran” ödəyib?! (ÖZƏL)
“Bakı” klubu ətrafında başverənlər bir sıra maraql?…
“Bakı” klubu ətrafında başverənlər bir sıra maraqlı məqamları ortaya çıxarıb. Əcəli ilə əlləşən paytaxt klubu elə idarəolunmaz haldadı ki, onun problemlərini indi başqaları həll edir.
Klub prezidenti Hafiz Məmmədovun klubun problemləri ilə ümumiyyətlə, maraqlanmaması, futbolçulara qayğı göstərməməsi nəticəsində “Bakı”nın hətta növbəti mövsümdə oynaması sual altındadı. Belədə işə qarışan AFFA FİFA-ya edilən şikayətlərin cəzaya çevrilməsinin qarşısını almaq üçün bəzi addımlar atıb. Baş katib Elxan Məmmədov nə edibsə, klubun növbəti mövsümə -6 xalla başlamasının və aşağı dəstəyə göndərilməsinin qarşısını alıb. İndi isə o, komandaya yeni sponsor axtarır ki, həm öz ödədiklərini geri alsın, həm də “Bakı”nın Premyer Liqada qalmasını təmin edəcək maddi dəstəyi təmin etsin. Sadəcə, komandanın o qədər borcu var ki, heç kim bu yükün altına girmək istəmir.
Çətin vaxtında “Bakı”ya digər klublarımız da yardım edib. Başqalarını dəqiq bilmirik, amma “Xəzər Lənkəran” belə addım atıb. Bunu Futbolinfo.az saytının əməkdaşına cənubluların vitse-prezidenti Tuyqun Nadirov deyib: “Biz də AFFA ilə bir yerdə “Bakı” klubunun müəyyən borclarının bağlanmasına kömək göstərdik. Maddi köməyimiz borcun bağlanmasına kömək oldu. “Bakı”dan transfer edib-etməməyimizə baxmayaraq, maddi yardımımız dostluq, qardaşlıq borcumuz idi və bunu yerinə yetirdik. Bunun Rauf Əliyevlə Əfran İsmayılovun transferinə dəxli yox idi. Bundan sonra isə halallıqla o futbolçuların sertifikatları bizə verildi. Bunu Elxan müəllimlə də dəqiqləşdirə bilərsiz”.
Təbii ki, hansısa klubun başqa birinə maliyyə yardımı etməsi balaca məsələ deyil və bu, başqa söz-söhbətlərə yol aça bilər. Ona görə də əslində, prosesin necə reallaşdığını aydınlaşdırmaq üçün Məmmədovu aradıq. Amma baş katibi tapmaq mümkün olmadı, AFFA-nın mətbuat xidmətinin rəhbəri Mikayıl Nərimanoğlu, eləcə də “Bakı”dan kimsə zənglərimizə cavab vermədi.
Ümumiyyətlə, Nadirov “Bakı”ya yardımla bağlı tam təfərrüatı aşıqlamasa da, özümüz detalları başqa mənbədən öyrəndik. Belə ki, “Xəzər Lənkəran”ın etdiyi yardım “zolaqlılar”ən Ruslan Leviqa və Aleksandr Tomovskiyə olan borcunun bağlanmasına, bununla da klubun sanksyadan qaçmasına səbəb olub. Hətta əldə etdiyimiz bilgiyə görə, AFFA bu işdə qanunsuzluğa yol verib. Belə ki, lənkəranlılar heç də əlavə kömək göstərməyib. Sadəcə, Rauf Əliyevlə Əfran İsmayılov üçün şdənilən transfer haqqı “Bakı”ya yox, AFFA-ya verilib. Baş katib isə yiyəsiz qalmış klubun xəbəri olmadan onu elə öz borclarına sərf edib.
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Premyer-liqa2024-04-20 20:55
“Zirə” “Neftçi”yə qalib gəldi
- Ölkə futbolu2024-04-21 08:00
Andersonun dediyi kimi…