Müsahibə
Georgi Nikolov: "Kaxaber Sxadadzenin istefasını qəbul etməyəcəyik"
“İnter”in prezidenti Georgi Nikolovun futbolinfo.az sayt?…
“İnter”in prezidenti Georgi Nikolovun futbolinfo.az saytına müsahibəsi
– Bu məğlubiyyəti necə şərh edərdiz?
– Çox məyusam. Hakimlər oyunu məhv etdi. Siz də gördünüz ki, oyunçumuza qırmızı vərəqə verildi və qapımıza penalti təyin olundu. Buna baxmayaraq, komandamız çox yaxşı oyun nümayiş etdirdi. Bəxtsizlik yaşadıq və mübarizəni dayandırdıq.
– Meydanda azlıqda qaldıqdan sonra oyun sizin üçün çətinləşdi və penaltilər seriyası üçün oynamağa başladınız. Penaltilər seriyasında qalib gələcəyinizə çox inanırdız?
– Bəli, inanırdım. Amma gördünüz ki, 3 penaltini qola çevirə bilmədik. Rəqib də penaltilər qaçırdı, amma sonda qalib gəldilər. Əlavə vaxt oynanılsa da, komandamız çox yaxşı oyun göstərdi.
– Futbolçularınız penaltilərdən niyə istifadə edə bilmədi? Problem nədə idi?
– Bilmirəm problem nə idi. Vura bilmədilər.
– Ötən oyunda olduğu kimi, bu dəfə də azarkeşlər sizi tək buraxmadı. Onlara nə deyərdiz?
– Hamısına təşəkkür edirəm. Çünki onlar stadiona gəlməkdən əlavə, həm də bizi sona qədər dəstəklədilər.
– Bu məğlubiyyəti “İnter” üçün faciə adlandırmaq olar, yoxsa komandanızdan razı qaldınız?
– Xeyr. Bu məğlubiyyət bizim üçün faciə deyil. Bu məğlubiyyəti faciyəyə çevirməməliyik. Çünki həyat davam edir. Çalışıb, bu yaxşı oyunu davam etdirməliyik. Qarşıda çempionat oyunları var. Ona görə də ciddi hazırlaşmalıyıq. Ola bilər ki, növbəti mövsüm Avropa Liqasında bundan da yaxşı nəticə qazandıq.
– Baş məşqçiniz komandada oyunçu çatışmazlığı olduğunu deyir. Bu oyun üçün də əvəzedici heyətdən 2 futbolçu çağırmışdı. Yeni transferləriniz olacaq?
– Bəli, oyunçu çatışmazlığımız var. Amma imkanlarımız məhduddu. Əsasən də hücum xəttində problemimiz var. Görürük ki, güclü hücumlar təşkil edə bilmirik. Bu problemi aradan qaldırmaq üçün nəsə etməliyik.
– Baş məşqçiniz Kaxaber Sxadadze oyundan sonra keçirilən mətbuat konfransında dedi ki, rəhbərlik istefamı qəbul etsə, komandadan ayrılacağam. Onun istefasını qəbul edəcəksiz?
Xeyr. Onun getməsinə icazə verməyəcəyik. Biz onunla işləməkdən məmnunuq.
ELMAR VƏLİYEV