Müsahibə
Kamal Quliyev: "Onlara ilk gündən intizamlı olmağı tapşırmışam"
Türkiyədə təlim-məşq toplanışını başa vurduqdan sonra v…
Türkiyədə təlim-məşq toplanışını başa vurduqdan sonra vətənə qayıdan "Neftçala" dünən yoxlama matçı çərçivsində "Bakı" ilə qarşılaşdı. Hesabda önə keçmələrinə baxmayaraq, Neftçala təmsilçisi üstünlüyünü sona qədər qoruya bilmədi və "zolaqlılar" ikinci hissədə hesabı bərabərləşdirdi – 1:1. Matçdan sonra birinci divizion təmsilçisinin baş məşqçisi Kamal Quliyev saytımıza müsahibə verərək, komandanın hazırkı durumuna dair suallarımızı cavablandırdı:
– "Bakı" ilə yoxlama matçında qələbəni əldən verdiz. Oyunla bağlı fikirlərinizi bilmək maraqlı olardı…
– Vallah, hər şey göz qarşısındadı. Biz istənilən rəqibə hörmətlə yanaşırıq. Əsas odu ki, biz işimizin bəhrəsini meydanda görə bilək. Türkiyədən təlim-məşq toplanışından geri qayıtdıq. Qardaş ölkədə əsas məqsədimiz komandanın bünövrəsini qurmaq, fiziki cəhətdən yaxşı hazırlaşdırmaq idi. "Bakı" ilə oyunda da buna nə dərəcədə nail ola bildiyimizi görmək istədik. İkinci hissədə 5-6 əvəzetmə etdik. Meydana ikinci hissədə daxil olan futbolçulardan özünü doğrultmayanlar da oldu. Bütövlükdə götürəndə isə mənə elə gəlir baş-başa mübarizə apardıq. Premyer Liqa təmsilçisi ilə oyunda 5 qol imkanı yaradırsansa, deməli komandanın qabında nəsə var. Futbolçulara verdiyim tapşırıqları yerinə yetirdikləri üçün təşəkkür edirəm. Onlara ilk gündən intizamlı olmağı tapşırmışam. Düzdü, səhvlərimiz var. Səhvsiz iş yoxdu. Qarşıda görüləsi işimiz hələ çoxdu. İşimiz başımızdan aşır.
– Növbəti mövsümdə necə bir "Neftçala" izləyəcəyik?
– Qarşıdakı mövsümdə sırf hücum edən "Neftçala" görəcəksiz. Həm fiziki, həm də texnika baxımından, rəqibi əzib keçən, döyüşkən "Neftçala" izləyəcəksiz. Bunun üçün çalışırıq. Bütün gördüyümüz işlər bu yöndədi.
– Növbəti mövsümdə "Neftçala" hansı hədəf uğrunda vuruşacaq?
– Komanda yarandığı üç il ərzində hələ ki, birinci yeri fəth edə bilməyib. İki dəfə üçüncü, bir dəfə də ikinci yerlə kifayətlənib. Çalışacağıq ki, rəhbərlik tərəfindən qarşımıza qoyulan çempionluq hədəfinə çataq. Yeri gəlmişkən, sizin sayt vasitəsi ilə klub rəhbərliyinə öz təşəkkürümü bildirirəm. Çünki birinci divizion təmsilçisi üçün gözəl şərait yaradılıb. Biz də əlimizdən gələni edəcəyik ki, "Neftçala" zirvəyə qalxsın.
– Hədəfə çatmaq üçün heyəti tam yetərli hesab edirsiz?
– Xeyr, çatışmazlıqlarımız var. Müdafiənin mərkəzində boşluq var. Zirvəyə qalxmaq üçün əlavə iki-üç futbolçuya da ehtiyacım olacaq.
EMİN SƏFƏROV
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 08:00
Andersonun dediyi kimi…