Müsahibə
“Özümü heç də şanssız hesab etmirəm” – FUTPOLitika
Ramin Dekonun təqdimatında olan “FUTPOLitika” layihəsin…
Ramin Dekonun təqdimatında olan “FUTPOLitika” layihəsinin növbəti qonağı Üzeyir Cəfərovdu. Futbolinfo.az müsahibədən kiçik bir hissəni təqdim edir.
Müsahibənin tam mətnini avqustun 12-də www.futbolinfo.az-dan oxuya bilərsiz.
– Üzeyir Cəfərov “Qızıl buts”u, yoxsa “Qızıl top”u almaq istəyir?
– Hər iki mükafat futbol aləmində çox əzizdi, dəyərlidi. Onlardan birini alsam, həyatımı boş yerə yaşamadım kimi qiymətləndirərəm. Ancaq o qədər yaxşı futbolçu var ki, gözəl oyun nümayiş etdirsələr də, texnikalı olsalar da, karyeralarında bu mükafatlardan heç biri yoxdu. “Qızıl buts”u, “Qızıl top”u ala bilməsəm də, bunu dərd etmərəm. Nəvələrim fəxr edə bilərlər ki, babaları meydanda azarkeşlər üçün faydalı izlər, işlər qoyub gedib. Hardasa adım çəkiləndə onlar qürur hissiylə məni yad edə bilərlər. Bu baxımdan özümü heç də şanssız hesab etmirəm.
– Zakir Həsənov təmiz oyun qaydalarını tətbiq edərsə…
– Zakir Həsənov heç bir oyun qaydalarını bilmir. Tamam başqa bir idman növündən indiki postuna transfer olunub.
– Futbol riski sevirmi?
– Sonuncu Dünya Çempionatı bunu göstərdi. Qana, Kosta Rika, Kolumbiya kimi zəif sayılan komandalar İtaliya, İngiltərə, İspaniya və Almaniya kimi futbol nəhənglərindən çəkinmədi. Əksinə, çox sanballı, məzmunlu oyun nümayiş etdirdilər. Bir sözlə hamının sevdiyi hücum futbolu göstərdilər. Bu da öz nəticəsini verdi. Bu risk idi, ancaq nəticəsi oldu.