Ölkə futbolu
Rövnəq Abdullayev: "Bu, klublarda da həyata keçirilməlidi"
Xəbər verdiyimiz kimi, bu gün "Park Bulvar" Alış-Ve…
Xəbər verdiyimiz kimi, bu gün "Park Bulvar" Alış-Veriş Mərkəzində "Bakcell" şirkətinin dəstəyi ilə Azərbaycan milli komandasının Fan Shop-unun acılış mərasimi keçirilib. Futbolinfo.az xəbər verir ki, AFFA rəhbərliyinin, Bakcell şirkətinin nümayəndələrinin, futbol veteranlarının, Anatoli Banişevskinin ailə üzvlərinin, futbol ictimaiyyətinin və media mənsublarının iştirak etdiyi tədbirin sonunda AFFA-nın prezidenti Rövnəq Abdullayev jurnalistlərə açıqlama verib:
"Forma satışının təşkili təkcə milli komandada yox, klublarda da həyata keçirilməlidi. Bu, futbolun kommersiyalaşması baxımından vacibdi. Forma və atributların satışa çıxarılması həm federasiyalara, həm də klublarla maddi dəstəkdi. Eyni zamanda, futbolun bir reklamıdı. Dünyanın müxtəlif klubları bu strategiyanı uğurla həyata keçirirlər. Həm millimiz, həm də AFFA üçün fan-şopun açılması mühüm hadisədi. Gələcəkdə Bakının müxtəlif yerlərində fan-şopların açılması nəzərdə tutulub". (AFFA)