Ölkə futbolu
Dünya Dünyamalıyevin vecinə deyil
Topaz Premyer Liqasının 5-ci turunda "Neftçi" İsm?…
Topaz Premyer Liqasının 5-ci turunda "Neftçi" İsmət Qayıbov adına Bakıxanov qəsəbə stadionunda "Xəzər Lənkəran"ı qəbul edəcək. Futbolinfo.az xəbər verir ki, qarşılaşmda televiziya vasitəsi ilə canlı yayımlanmayacaq.
"Böyük oyun"un hər kəs tərəfindən maraqla gözlədiyini nəzərə alsaq, matçın yayımlanmaması böyük narazılıq doğurur. Sözsüz ki, bu işdə ən böyük öhdəlik "İdman Azərbaycan" televiziya kanalının üzərinə düşür. Oyunun niyə yayımlanmayacağını dəqiqləşdirmək məqsədi ilə sözügedən kanalın rəhbəri Elsəvər Dünyamalıyevlə əlaqə saxladıq. Dünyamalıyav konkret olaraq bunun səbəbini bilmədiyini, AzTV-nin mətbuat xidmətindən məlumat almağımızı bizə məsləhət gördü.
Dəfələrlə kanalın mətbuat xidməti ilə heç cür əlaqə yarada bilmədiyimizi Dünyamalıyevin nəzərinə çatdırsaq da, o, buna məhəl qoymayaraq, sözümüzü ağzımızda qoyub, telefonu qapadı. Görəsən, heç adi etika qaydalarını bilməyən, telefonla danışıq mədəniyyətindən xəbərsiz Dünyamalıyev rəhbərlik etdiyi kanalın mətbuat xidmətinin varlığı və yoxluğu arasında ciddi bir fərqin olmadığını bilirmi?
Hər halda, Elsevər bəy kefində, istirahətində olsun, azarkeşlər futbola baxmasa da olar. Axı, futbolun inkişafıyla bağlı dövlət proqramında onun həm də təbliği ilə bağlı qeyd Dünyamalıyevin vecinə deyil.