Müsahibə
Penev: "Azərbaycanın 3-cü olması mümkündü"
Futbol üzrə Boqlarıstan yığmasının baş məşqçisi L…
Futbol üzrə Boqlarıstan yığmasının baş məşqçisi Lyuboslav Penev AÇ-2016-nın seçmə mərhələsi çərçivəsində sabah Azərbaycan millisinə qarşı keçirəcəkləri oyun öncəsi fikirlərini açıqlayıb. Futbolinfo.az xəbər verir ki, o, Bakıda təşkil olunmuş mətbuat konfransında öncə bunları söyləyib:
– Bu, seçmə mərhələdə ilk oyunumuzdu. Buna görə nəsə demək çətindi. Seçmə mərhələdə üç komanda qrupdan çıxa bildiyinə görə əzmkar mübarizə gedəcək. Azərbaycanın son 5-6 oyununa baxmışam. Rusiya ilə oyun haqda heç nə demək istəmirəm. Oyunçularıma həmin oyun haqda fikirlərimi bildirmişəm. Sizin yaxşı komandanız var.
– AZAL-da çıxış edən Tomi Kostadinov vaxtı ilə sizin rəhbərliyiniz altda "Liteks"də çıxış edib. Ondan hansısa məlumat eldə etmisiz?
– Xeyr. Onunla bu barədə söhbətimiz olmayıb.
– Azərbaycan millisinin zəif cəhətləri hansılardı?
– Çox oyun izləmişəm. Nə güclü, nə də zəif cəhətlərini açıqlamaq istəmirəm. Qrupda gərgin mübarizə gedəcəyini bilirəm.
– Xorvatiya və İtaliyadan sonra Azərbaycanın üçüncü pilləni tutmaq şansı var?
– Bu, mümkündü. Onu da nəzərə almaq lazımdır ki, biz də eyni məqsəd üçün çalışacağıq.
– Hər kəs birinci və ikinci yerdə İtaliya və Xorvatiya millilərini görür. Siz də üçüncü pillə uğrunda çalışacaqsız?
– İtaliya və Xorvatiya kağız üzərində favoritdi. Hər şey necə oynamaqdan asılıdı. Biz sabah dünyanın 73-cü komandası ilə qarşılaşacağıq.
– Futbolçularınız açıqlamalarında Azərbaycan millisinə yuxardan aşağı baxır. Siz də eyni fikirdəsiz?
– Azərbaycan ev oyunu keçirdiyinə görə favorit sayılır. Biz də səfərdə yaxşı oynayan komandayıq.
– Bakıya hansı problemlərlə gəlmisiz?
– Emil Qarqarov sabahkı oyunda iştirak etməyəcək. Siz də bizim Bakıya hansı heyətlə gəldiyimizi bilirsiz. Kapitan İvelin Popov da zədələnib. İvan İvanov və Peter Zanev də zədə səbəbindən Bakıya gəlməyib.
– Məğlubiyyəti ağlınızdan keçirirsiz?
– Futbolda üç nəticə olur. Qələbə, məğlubiyyət və heç-heçə. Amma baxır necə məğlub olmaq. Məğlubiyyəti qəbul etmirəm.