Müsahibə
Elnur Allahverdiyev: "Karyeramı "Neftçi"də başa vurmaq istəyirəm"
Futbol üzrə Azərbaycan millisinin müdafiəçisi Elnu…
Futbol üzrə Azərbaycan millisinin müdafiəçisi Elnur Allahverdiyevin futbolinfo.az saytına müsahibəsi
– Artıq "Qəbələ"dən ayrılıb, "Neftçi"yə keçmisiz. Yeni klubunuzla bağlı təəssüratlarınız necədi?
– "Neftçi" həmişə mənim komandam olub. Mən futbola orada başlamışam. Öz doğma klubuma qayıtdım. Çalışacam ki, əlimdən gələni edəm və mənə olan ümidləri doğruldam. Mənə inanırlar. Mən də çalışacam ki, yaxşı oyunumla klubuma və komanda yoldaşlarıma kömək edim.
– "Neftçi"yə yeni baş məşqi təyin olunub və yaxşı da komanda formalaşdırıblar. Bu heyətdə özünüzə yer tapa biləcəksiz?
– Əgər mən buraya gəlmişəmsə, çalışacam ki, komandaya uyğunlaşam. Mənim yeni komandalarıma uyğunlaşmağımda heç bir problem olmayıb. "Neftçi"də də vaxtilə oynamışam, oyun üslubunu bilirəm. Ona görə də ancaq çalışacam ki, öz oyunumla yadda qalım və komandama kömək edim.
– "Neftçi"dən əlavə başqa klublardan da təklif almışdız?
– Təklif deyəndə, zənglər oldu. Mən də "Neftçi"nin təklifini dəyərləndirdim. "Neftçi" məni çox istədi. Mən də gördüm ki, onlar mənlə çox maraqlanır, mənə ümid bəsləyirlər. Mən də çalışacam ki, onların ümidlərini doğruldum. "Neftçi"yə üstünlük verdim, doğma klubuma qayıtdım.
– Əvvəlki klublarınızda daha çox intizamsızlıqla yadda qalmısız. "Neftçi"də də bu hallar təkrarlanacaq, ya necə?
– Çalışacam ki, bir də belə olmasın. Mən futbolçuyam və meydanda da bəzən belə şeylər ola bilir. Mən o hərəktləri heç vaxt bilə-bilə etməmişəm. Mən heç vaxt bilə-bilə intizamsızlıq etmərəm. Artıq yaşım da o yaş deyil. Cavanlıqda çox səhvlər etmişəm. Yaş artdıqca gərək səbirli olam. Çalışacam ki, bir də belə hallar təkrarlanmasın. Onu da bilirəm ki, bu hərəkətlərim, klubdan əlavə, özümə daha çox ziyan verir. Belə hərəkətlərimlə özüm də geriyə düşürəm.
– "Qəbələ"dən nəyə görə ayrıldız? Bir müddət öncə mətbuat yazırdı ki, "Qəbələ"də oyunçular və baş məşqçi arasında dava düşüb. Həmin hadisələrin sizin getməyinizlə bağlılığı yoxdu?
– "Qəbələ"də dava filan olmayıb. Sadəcə olaraq, bəzi problemlər yaşanıb. Bəzən kollektivdə belə şeylər olur. Ailədə belə söz-söhbət, problem olur. Bizim kollektivdə də yüngül problem olub. Amma mənim "Qəbələ" ilə heç bir problemim yoxdu. Hamısından razıyam. Rəhbərliyə də "çox sağ ol" deyirəm. Artıq 7 ilə yaxındı ki, rayonlarda oynayıram. Açığı, bu da mənə psixoloji cəhətdən təsir edir. Ona görə də yeni ab-hava istədim. Qərara gəldim ki, karyeramı Bakıda davam etdirim. "Neftçi" klubu da mənə güvəndi.
– "Qəbələ"də dava filan olmayıb. Sadəcə olaraq, bəzi problemlər yaşanıb. Bəzən kollektivdə belə şeylər olur. Ailədə belə söz-söhbət, problem olur. Bizim kollektivdə də yüngül problem olub. Amma mənim "Qəbələ" ilə heç bir problemim yoxdu. Hamısından razıyam. Rəhbərliyə də "çox sağ ol" deyirəm. Artıq 7 ilə yaxındı ki, rayonlarda oynayıram. Açığı, bu da mənə psixoloji cəhətdən təsir edir. Ona görə də yeni ab-hava istədim. Qərara gəldim ki, karyeramı Bakıda davam etdirim. "Neftçi" klubu da mənə güvəndi.
– "Qəbələ"nin baş məşqçisi Dorinel Muntyanu Azərbaycana yeni gəlib və ölkəmizi, futbolumuzu elə də yaxından bilən mütəxəssis deyil. Muntyanu sizi komandada saxlamadığı üçün peşman olacaq?
– Belə baxanda, o, peşman olsa da, heç vaxt büruzə verməz. Mən də yeni komandamda çalışacam ki, əlimdən gələni edim və o, peşman olmasa da, kədərlənsin ki, Elnur kimi futbolçunu niyə əldən verdik. Mən futbolçuyam və bunu dillə yox, oyunumla sübut edə bilərəm.
– "Neftçi"nin iki illik müqavilə imzalaması o deməkdi ki, sizə güvənir?
– Hər şeydən əvvəl mən çalışmalıyam. Çalışacam ki, yaxşı oyun göstərim və uzun müddət "Neftçi"də qalım. İstəyirəm ki, burada uğurlar qazanım və karyeramı da elə burada bitirim.
ELMAR VƏLİYEV