Premyer-liqa
“Simurq” sponsor axtarır
Azərbaycanda fəaliyyət göstərən yerli və xarici şirkətlə…
Azərbaycanda fəaliyyət göstərən yerli və xarici şirkətlərin futbola maraq göstərmədiyi hər kəsə bəllidi. Avropada şirkətlər hər hansı bir klubun titul sponsoru olmaq üçün bir-biri ilə ciddi rəqabət aparsa da, bu, Azərbaycanda belə deyil. Ölkədə fəaliyyət göstərən şirkətlər Azərbaycan futboluna marağın az olduğunu düşünərək klublarla əməkdaşlıq etməkdən boyun qaçırır. Bütün bu amillər də istər-istəməz futbolun kütləviləşməsinə, inkişafına mənfi təsir edir.
Bundan başqa investorlar Azərbaycan futbolu vasitəsi ilə reklam oluna bilməyəcəyini düşünürlər. Ölkə futbolunun tədricən inkişaf etməsi şirkət rəhbərlərinin gözünə görünmür. Bunun nəticəsində əksər klubların ev oyunlarında və formalarında komandanın şəxsi sponsorundan başqa hər hansı bir şirkətin adına rast gələ bilmirik.
Maraq göstərilməyən klublardan biri də Zaqatalanın “Simurq” komandasıdı. Maraq üçün bildirək ki, təxminən 5 ilə yaxındı ki, “sarı-qaralar”ın titul sponsoru yoxdu. Klubun axırıncı dəfə titul sponsoru “Bakı Fındıq Emalı Müəssəsi” olub. Axırıncı dəfə klubun formasının önündə BAKFEM yazılıb. Məsələ ilə bağlı klubla əlaqə saxladıq. Saytımıza açıqlama verəm “Simurq”un mətbuat xidmətinin rəhbəri Rüstəm Allahverdiyev hazırda bir neçə şirkətlər danışıqlar apardıqlarını bildirməklə yanaşı, ölkədə fəaliyyət göstərən şirkətlərin futbola maraq göstərməməsindən təəssüfünü də gizlətmədi:
“Məsələ ilə bağlı bir sıra danışqlar aparırıq. Bəzi şirkətlər var ki, onlarla real danışıqlarımız olub. Təklifləri hazırlayıb, onlara göndərəcəyik. Bilirik ki, hər hansı bir şirkətin sponsor olması, komandanın ümumi büdcəsinə xeyirdi. Hansı ki, bəzi xərcləsin qarşılanmasında bizə kömək edə bilər. Ancaq hələ ki, rəsmi bir şey yoxdu. Hansısa bir şirkət sponsor olarsa, həmin şirkətin adını formanın qarşısına yazacağıq. Bundan başqa stadionda da reklamı olacaq. İş burasındadı ki, biz təqdim edəcəyimiz təklifdə elə də böyük bir məbləğ də istəmirik. Fantastik bir məbləğ deyil. Onsuz da şirkətlər il ərzində reklam sahəsində həmin məbləğin 2-3 qatını xərcləyirlər. Yerli şirkətlərlə danışıqlar aparırıq. Bəzi şirkətlərlə danışıqlar aparmışdıq. Sadəcə, bizə bu sahədə maraqlı olmadıqlarını bildirdilər. Azərbaycanda fəaliyyət göstərən şirkətlər futboldan qaçırlar. Görünür bu da, təbliğatla bağlıdı. Bizim üçün cuzi görünən məbləğ şirkətlər üçün böyük görünür. Bir az da məbləği aşağı salmaq istəyirik ki, bəlkə şirkətlər titul sponsoru olmağa maraq göstərər”.
EMİN SƏFƏROV
- Premyer-liqa2024-05-17 22:21
“Qarabağ” “Turan Tovuz”a qalib gəldi
- Ölkə futbolu2024-05-17 11:12
Vaqner Silva: “Avropada “Qarabağ”dan qorxurlar”
- Ölkə futbolu2024-05-17 13:38
“Avropanı şoka salmalarına dəqiqələr çatmadı”
- Premyer-liqa2024-05-17 23:50
“Əcnəbi hakimlərinin dəvət olunmasını xoş qarşılamadım” – Qurban Qurbanov