Müsahibə
Danilo Dias: "Qarabağ" bu oyunla qələbəyə layiq idi"
"Qarabağ"ın braziliyalı futbolçusu Danilo Diasın …
"Qarabağ"ın braziliyalı futbolçusu Danilo Diasın futbolinfo.az saytına müsahibəsi
– Avropa Liqasının qrup mərhələsi çərçivəsindəki ilk matçınızda "Sent-Etyen"lə qolsuz bərabərə qaldız. Oyun barədə fikirlərinizi bilmək istərdik?
– Çətin oyun oldu. Nəticədə meydandan 0:0 bərabərliklə ayrıldıq.
– Baş məşqçi start heyətdə sizə şans vermədi. Oyunu kənardan izləmək çətin idi?
– Bəli. Amma mən bu kollektivin üzvüyəm və burada olmaqdan xoşbəxtəm. Əlbəttə ki, start heyətdə meydana çıxmaq istəyərdim. Amma bu, baş məşqçimizin qərarıdı. Mən də razılaşmalıyam. İndi gərək çox çalışım. Hesab edirəm ki, "Qarabağ" bu matçda qələbə qazanmağa layiq idi. Qol vurmaq üçün çox şanslarımız oldu. "Sent-Etyen"in qol şansları olduğunu xatırlamıram. Artıq ölkə çempionatı haqqında fikirləşməliyik. Çünki "Simurq"a qarşı çətin oyunumuz olacaq.
– Razılaşırsız ki, bu oyunda qalib gəlməli idik? Qələbə üçün nə çatışmırdı?
– Bəli, udmalı idik. Çünki çox şanslarımız oldu. Kim deyə bilər ki, növbəti dəfə belə şans nə vaxt əlimizə düşəcək?
– Bəs şansları niyə qaçırdız? Bu, komandanın səviyyəsindən asılı idi, ya necə?
– Bunu dəqiq deyə bilmərəm ki, niyə belə oldu. Amma siz də gördüz ki yaxşı epizodlarımız oldu. Çalışacağıq ki, bundan sonra daha yaxşı olsun. Bu çatışmazlıqları da aradan qaldırmaq üçün əlimizdən gələni edəcəyik.
– Ayağınızı sarımısız. Zədənizlə bağlı vəziyyət necədi?
– Çox ağrı var.
– Onda belə çıxır, növbəti matçda var gücünüzlə oynaya bilməyəcəksiz?
– İndi dəqiq bilmirəm. Çalışacağıq ki, yaxşı olsun.
ELMAR VƏLİYEV
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…
- Premyer-liqa2024-04-20 20:55
“Zirə” “Neftçi”yə qalib gəldi