Müsahibə
Junior Nildo: "Sxadadze mənə çox güvənir"
"İnter"in forvardı Junior Nildonun futbolinfo.az saytına …
"İnter"in forvardı Junior Nildonun futbolinfo.az saytına müsahibəsi
– "Bakı" ilə oyunda 7:0 hesabı ilə qalib gəldiz. Evdəki bu böyük hesablı qələbəni necə şərh edərdiz?
– Qələbə və 3 xal qazandığımız üçün çox şadam. Çempionat uzun marafondu və çalışmalıyıq ki, hər oyunda maksimum nəticə qazanaq.
– Bu matçda yeni komandanızda ilk qolunuzu vurduz. Hansı hissləri keçirirsiz?
– Çöx xoşbəxtəm. 2 qol vurdum. Bu qələbədə komandama kömək edə bildiyim üçün şadam. Çalışacam ki, daha yaxşı hazırlaşım və növbəti oyunlarda komandama daha çox kömək edim.
– Öz oyunuzdan razı qaldız?
– Bəli, əlimdən gələn qədər nəsə etməyə çalışdım. Tanrıya şükürlər olsun ki, qollar da vurdum. Amma təbii ki, bununla kifayətlənmək olmaz. Çalışacam ki, gələn dəfə daha yaxşı çıxış edim. Hazırda məşqlərdə çox çalışıram ki, yaxşı forma yığım.
– "Xəzər Lənkəran" karyeranız uğurlu alınmadı və "İnter"ə keçdiz. Burada özünüzü yaxşı tərəfdən göstərə biləcəyinizə inanırsız?
– Əslində "Xəzər Lənkəran"da da yaxşı, xoşbəxt vaxtlarım oldu. Amma sonra hər şey dəyişdi və əvvəlki kimi olmadı. Yenə də o kluba hörmətlə yanaşıram. Açığı, bu barədə çox danışmaq istəmirəm. Əsas odu ki, artıq yeni klubdayam və burada da çox xoşbəxtəm.
– Əvvəlki komandanda çoxlu məşqçi dəyişiklikləri oldu. Amma burada həm oyun, həm də məşqçi cəhətdən sabit komanda var. Hamı bu kollektivdə sizin daha güclü forma yığacağınıza inanır, bəs özünüz necə?
– Baş məşqçimizin bir çox oyun sistemi var. Mən də düşünürəm ki, belə baş məşqçi və komanda ilə yaxşı oyun göstərə bilərəm.
– Deyəsən, baş məşqçi sizin daha yaxşı olacağınıza inanır. Çünki kənardan tez-tez sizi səsləyirdi…
– Bəli, AZAL-da oynayarkən baş məşqçi Vaqif Sadıqov da mənə çox inanırdı. Burada da eyni vəziyyətdi. Kaxaber Sxadadze də mənə çox güvənir və daha güclü olacağıma inanır. Mən də çalışacağam ki, onların mənə olan ümidini doğruldum.
– Qol sevincinizi də baş məşqçinizlə bölüşdüz…
– Bəli. Getdim və mənə inandığı üçün ona bir daha təşəkkür etdim.
– Hazırda Azərbaycan çempionatında Reynaldo, Nikolas Kanales kimi güclü forvardlar var. Bu mövsüm çoxlu qol vurmaqla bağlı onlarla rəqabət apara biləcəksizmi?
– Azərbaycandakı güclü hücumculara hörmətlə yanaşıram. Reynaldo, Kanales, Rauf Əliyev kimi güclü hücumçular var. Danışmaqla hər şey həll olunmur. Onlarla rəqabət aparmaq üçün gərək çox çalışam və gücümü oyunum və vurduğun qollarla sübut edəm.
ELMAR VƏLİYEV