Ölkə futbolu
Hafiz Məmmədov villasını boşaltmaqdan imtina edir
“Baghlan Group” şirkətinin və “Bakı” futbo…
“Baghlan Group” şirkətinin və “Bakı” futbol klubunun prezidenti, “Hafka” ləqəbi ilə tanınan iş adamı Hafiz Məmmədovun Məmməd Araz (keçmiş Teymur Əliyev) küçəsi 63 ünvanında yerləşən və dəyəri 3 milyon dollar qiymətləndirilən villasının qarşısına bu gün yenidən məhkəmə icraçıları və polis gəlib. Modern.az saytının məlumatına görə, bu günə evi boşaltmağı vəd etmiş Məmmədov fikrini dəyişib.
Hazırda Nərimanov rayon Məhkəməsinin icraçıları polis əməkdaşlarının köməyi ilə villaya keçməyə cəhd edirlər. Villanın içində kifayət qədər böyük sayda mühafizəçilər cəmləşib və qapını açmaqdan imtina edirlər. Mməhkəmə icraçıları isə malikanənin boşaldılmasını tələb ediblər.
Xatırladaq ki, dünəndən başlanan bu qalmaqalla bağlı Məmmədov məlumatlandırılıb və o, oktyabrın 1-dək vaxt istəyib və bu gün borcu ödəyəcəyini vəd edib. Məhkəmə icraçıları bununla bağlı müzakirə apardıqdan sonra qərara alınmışdı ki, evin boşaldılması bu gün saat 12-yə qədər təxirə salınsın.
Məlumata görə, Məmmədov müsadirə olunan villanı oğluna toy hədiyyəsi kimi bağışlayıbmış. Məhkəmə 300 min manat borcu qaytara bilmədiyinə görə onun əmlakının boşaldılması barədə qərar verib.
Bildirilir ki, Hafiz Məmmədov oğlu üçün yeni aldığı ev bankda digər müştəri tərəfindən girovda olub. Hafiz Məmmədov nə bankın borcunu ödəyib, nə də bankın pulun bağlayıb.
Hadisə yerindən aldığımız məlumata görə, “Hafka”nın evini qoruyan mühafizəçilərlə polis arasında əlbəyaxa dava olub. Mühafiçilər icraçıları və polisi villaya buraxmaqdan qəti imtina edirlər. Hazırda Hafiz Məmmədovun binada olan təmsilçisi onlara vaxt verilməsini istəyir. Məmmədovun özünün isə olaya heç bir reraksiyası yoxdur.
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…
- Digər idman növləri2024-04-12 00:29
“Anadolu Efes” növbəti mərhələdə