Müsahibə
Quliyev: "Del Pyeroya qarşı kobudluq etmişdim"
Bu gün futbol üzrə Azərbaycanın əsas yığma komandası …
Bu gün futbol üzrə Azərbaycanın əsas yığma komandası AÇ-2016-nın seçmə mərhələsindəki ikinci oyununda İtaliyanın qonağı olacaq. Buna qədər İtaliya millisi ilə ölkəmizin yığması arasında keçirilən oyunlarda prineylilərin üstünlüyü açıq-aşkar hiss olunur. 2002-2003-cü illərdə də bu iki milli komanda AÇ-nin seçmə mərhələsinin oyunlarında üz-üzə gəlmişdi. Millimiz evdə 0:2, səfərdə isə 0:4 hesabı ilə məğlub olmuşdu. Həmin illərdə heyətdə yer almış futbolçulardan biri də Kamal Quliyev idi. Hazırda “Neftçala” komandasının baş məşqçisi olan Kamal bəy saytımıza müsahibə verib. O, müsahibəsində həm 2002-ci ildə Bakıda baş tutan oyun, həm də bu gün keçiriləcək qarşılaşma barəsində suallarımızı cavablandırıb:
– 2002-ci ildə İtaliya millisi Bakıda Azərbaycan yığmasının qapısına 2 cavabsız top vuraraq, ölkəmizdən qələbə ilə ayrılmışdı. Həmin oyunu necə xatırlayırsız?
– Bakıdakı oyunda həqiqətən də müstəqillikdən sonra stadion azarkeşlərlə bir o qədər dolmamışdı. Ev oyununda çox gözəl atmosfer var idi. Oyuna yaxşı başlamışdıq. Stadiona toplaşan azarkeşləri ruhlandırmaq üçün əlimizdən gələni etməyə çalışırdıq. Sadəcə, ağılsız bir səhvin ucbatından qurduğumuz oyun, həvəs, istək məğlub olduq. Emin Ağayev cinahda rəqib futbolçunun ayaqları arasından topu keçirmək istədi. Ancaq alınmadı. Həmin epizodun davamında rəqibin cinahdan etdiyi asma nəticəsində top Tərlan Əhmədova dəyərək qapıya daxil oldu. İkinci qolda isə Del Pyeroya qarşı kobudluq etdim. Cərimə zərbəsindən qol buraxdıq. Hesaba baxmayaraq, çalışırdıq ki, nə isə edək. Azarkeşlər də bizi dəstəkləyirdi. Amma bizim dövrümüzdə olan İtaliya yığması bu günkündən daha güclü idi. Real götürsək, rəqib hər bir tərəfdən bizdən üstündü. Buna görə bizə yuxarıdan aşağı baxa bilərlər. Biz də bundan istifadə etməliyik.
– 2002-2003-cü illərdə heyətdə çıxış edən futbolçuların əksəriyyəti indi məşqçi işləyir. Siz, Qurban Qurbanov, Tərlan Əhmədov və s. O vaxtkı heyətlə bu günki arasında nə fərq var?
– Böyük fərq var. İki-üç futbolçunu çıxmaq şərti ilə fərq böyükdü. Düzdü, indi də canla-başla oynayan futbolçularımız var. Amma hamısı belə deyil. Əvvəl mehribanlıq, böyük-kiçik var idi. Qabaq futbolçular bir-birinin sözünü eşidərdi, meydanda lider var idi. Əvvəl ağsaqqal var idi, hamı da ona qulaq asıb, dinləyirdi. İndiki heyətdə belə futbolçuların təəssüf ki, sayı azdı.
– Məhz bu günki oyunda liderliyi kim üzərinə götürə bilər? Nəzərə alaq ki, Rəşad Sadıqovun iştirakı hələ də sual altındadı…
– Bizdə lider kimi tanınan Rəşad Sadıqovdu. İstər öz klubunda, istərsə də milli komandada bunu sübut edib. Oynayarsa, Sadıqov bunu bacarır. Liderliyi öz üzərrinə götürməklə meydançada olan futbolçuları yerbəyer edə bilər.
– Bakıda İtaliya millisi ilə keçirilən oyundan sonra əksəriyyət Tərlan Əhmədovu avtoqol müəllifi kimi tanıdı. Həmin qarşılaşmadan sonra bu barədə Əhmədovla zarafatınız olurdu?
– Tərlan Əhmədov həqiqətən də onu bilərəkdən etmədi. Müdafiəçi topu çıxarmaq istəsə də, belə alındı. Bu bir neçə dəfə olduğu üçün biz bunu tez-tez deyib gülürdük. Belə şeylər olur.
– Nəzərə alaq ki, sizin heyət bu günkündən qat-qat güclü idi və səfərdə keçirlən oyunda 0:4 hesabı ilə məğlub olmuşdu, indiki heyətin daha böyük hesabla uduzmasını gözləmək olar?
– Bizim oynadığımız dövrdə İtaliya indikindən qat-qat güclü idi. Öz doğma azarkeşləri önündə tamam fərqli çıxış edirdilər. Futbol təsadüflərlə doludu. Ola bilməz ki, 90 dəqiqə ərzində biz qol epizodu yarada bilməyək. İtaliya futbolunun nəhənglərindən olan Andrea Pirlo da səhv etmirəmsə, bu qarşılaşmada iştirak edəcək. O, müsahibəsində bu oyunun onun üçün önəmli olduğunu bildirib. Yeganə şansımız odu ki, rəqib bizi dəyərləndirməsin.
– Bizim oynadığımız dövrdə İtaliya indikindən qat-qat güclü idi. Öz doğma azarkeşləri önündə tamam fərqli çıxış edirdilər. Futbol təsadüflərlə doludu. Ola bilməz ki, 90 dəqiqə ərzində biz qol epizodu yarada bilməyək. İtaliya futbolunun nəhənglərindən olan Andrea Pirlo da səhv etmirəmsə, bu qarşılaşmada iştirak edəcək. O, müsahibəsində bu oyunun onun üçün önəmli olduğunu bildirib. Yeganə şansımız odu ki, rəqib bizi dəyərləndirməsin.
– Heç-heçə bizim üçün sensasiya ola bilər?
– Ola bilər. Niyə də olmasın? Amma bu real görünmür. Bizim dövrdə də bizdən güclü olanlarla mübarizə aparırdıq. Əzmkarlığı yenə nümayiş etdirməliyik.
– Amma Bolqarıstan millisi qarşısında sərgilənən futbol əzmkarlığı vəd etmir…
– Əlbəttə. Həmin oyunla biz məğlub olarıq. Ondan qat-qat yüksək əzmkarlıq olmalıdı.
EMİN SƏFƏROV