Dünya futbolu
Belqrad hadisələri ermənilərin yolunu açır
AÇ-2016-nın seçmə mərhələsi çərçivə…
AÇ-2016-nın seçmə mərhələsi çərçivəsində keçirilən Serbiya – Albaniya matçı qalmaqalla başa çatmışdı. Futbolinfo.az xəbər verir ki, matç zamanı helikopterlə 2008-ci ildə Serbiyadan ayrılan Kosovanın da əhatə olunduğu xəritənin yer aldığı Albaniya bayrağının meydana endirilməsindən sonra iki komandanın futbolçuları arasında gərginlik yaşanmışdı. Buna görə də qarşılaşmanın baş hakimi Martin Atkinson oyunu təxirə salmışdı.
FİFA prezidenti Yozef Blatter də açıqlamasında futbol meydanında siyasi proseslərin baş verməsini pisləmişdi. O, "Futbol siyasi məqsədlər üçün istifadə edilməməlidi. Qətiyyətlə baş verənləri qınayıram" deyərək məsələyə öz fikrini bildirib.
Artıq bu iki komandaların adı ilə bağlı maraqlı iddia da yayılıb. “Sky Sport”un yazdığı məlumata görə məlum hadisəyə görə Albaniya və Serbiya milliləri AÇ 2016-nın seçmə mərhələsindən kənarlaşdırılıb. Oktyabrın 23-də UEFA-nın rəsmən bu qərarı açıqlayacağı bildirilir.
İş burasındadı ki, hər iki komanda çempionatdan uzaqlaşdırılsa, onların yer aldığı I qrupunda 3 komanda qalacaq. Bunlar Danimarka, Portuqaliya və Ermənistan yığmalarıdı. Onu da nəzərə almaq lazımdı ki, Albaniya hazırda 4 xalla qrupa başçılıq edir. İkinci pillədə isə Danimarka millisi yer alır. Albaniya və Serbiya komandalarının yarışdan kənarlaşdırılması Ermənistan yığması üçün göydəndüşmə fürsət olacaq.
Belə ki, bir-birinə qənim kəsilən komandalar yarışdan uzaqlaşdırılacağı halda, Ermənistan avtomatik olaraq ən azından pley-offa vəsiqəni təmin edəcək.
UEFA prezidenti Mişel Platini isə belə sərt qərarın tərəfdarı deyil. Belə ki, Platini Albaniya yığmasına texniki məğlubiyyətin verilməsinin tərəfdarıdı. Çünki hadisələrin səbəbkarları albaniyalı azarkeşlərlə yanaşı, həm də futbolçularıdı.
Qeyd edək ki, Serbiyanın paytaxtı Belqradda baş verən hadisə ilə bağlı UEFA-nın rəsmi qərarı yaxın günlərdə açıqlanacaq.
EMİN SƏFƏROV
- Müsahibə2024-05-23 08:00
Aleks Souza: “Menecerim danışmamağı tapşırıb”
- Ölkə futbolu2024-05-23 12:03
“Neftçi” daha bir legioner aldı: Anderssonun sözü ilə əməli üst-üstə düşmür
- Ölkə futbolu2024-05-23 08:32
“Yurqorden” Musanı icarəyə verəcək
- Digər idman növləri2024-05-23 19:19
Azərbaycanın daha bir cüdoçusu dünya çempionu oldu