Müsahibə
Andrey Kristya: "Hər şey meydanda bilinəcək"
"Qəbələ"nin rumıniyalı hücumçusu Andrey Kri…
"Qəbələ"nin rumıniyalı hücumçusu Andrey Kristyanın futbolinfo.az saytına müsahibəsi
– Topaz Premyer Liqasının növbəti, 8-ci turunda son çempion "Qarabağ"la qarşılaşacaqsız. Bu oyunla bağlı nə deyə bilərsiz?
– Bəli, növbəti turdakı rəqibimiz "Qarabağ"dı. Çətin rəqibdi. Həm də səfərdə oynayacağıq. Bizim üçün vacib olan oyuna çıxacağıq. Ümid edirəm ki, Bakıdan sərfəli nəticə ilə qayıdarıq. Nəticə qazanmaq üçün var gücümüzlə çalışmalıyıq.
– Oyuna hazırlıqlar necə gedir?
– Hər şey yaxşıdı. Hansı rəqiblə oynayacağımızı bilirik. Rəqibin gücünə bələdik. Ona görə də çalışmalarımız intensiv olaraq davam edir. Sadəcə olaraq, həmin çalışmanın nəticəsini meydanda göstərməliyik.
– "Qarabağ"da Reynaldo, Riçard Almeyda kimi güclü, oyunun gedişini dəyişə biləcək oyunçular var. Xüsusilə də, Reynaldonu dayandırmaq üçün hər hansı planınız var?
– Məncə, komandada kimisə seçmək düzgün deyil. Biz "Qarabağ"la oyun üçün hazırlaşırıq. Ola bilər rəqibin güclü oyunçuları olsun. Həmçinin bizdə də güclü oyunçular var. Hesab edirəm ki, hər şey meydanda bilinəcək.
– "Qarabağ" son 6 çempionat matçında "Qəbələ"ni məğlub edib. Sabahkı matçda bu uğursuzluğa son qoya biləcəksiz?
– Ümid edirəm ki, bu matçda uğursuz seriyaya son qoyarıq. Amma bu, asan başa gələn deyil. Çünki rəqib çox güclüdü.
– "Qarabağ"ın Milan "İnter"i ilə Avropa Liqasının qrup mərhələsindəki matçını izləmisiz? Həmin oyunda Ağdam təmsilçisi 0:2 hesabı ilə məğlub oldu. Həmin oyunda rəqibin hansı zəif cəhətlərini gördüz?
– Bizim üçün önəmli olan öz oyunumuzdu. Əsas odu ki, biz meydanda nə edə biləcəyik. Onu da deyim ki, Avroliqa oyunları ilə çempionat matçları fərqlidi.
– Bizim üçün önəmli olan öz oyunumuzdu. Əsas odu ki, biz meydanda nə edə biləcəyik. Onu da deyim ki, Avroliqa oyunları ilə çempionat matçları fərqlidi.
– Bəs Azərbaycan millisinin İtaliya və Xorvatiyaya qarşı oyunlarını izlədizmi? Birinci oyunda 1:2, xorvatlara isə 0:6 hesabı ilə məğlub olduq…
– İtaliyaya qarşı fantastik oyun oldu. Rəqib də çox güclü idi. Xorvatiya ilə oyunda isə rəqib çox yaxşı oyun göstərdi. Həm də onların aparıcı klublarda oynayan çox güclü futbolçuları var. Onu da əlavə edim ki, Azərbaycan millisi İtaliya ilə oyunda göstərdi ki, güclü komandadı.
ELMAR VƏLİYEV
- Ölkə futbolu2024-05-21 09:45
“Qarabağ” 3-cü təsnifat mərhələsində də səpələnmişlər sırasında yer alacaq
- Digər idman növləri2024-05-20 20:00
Hidayət Heydərov dünya çempionu oldu
- Ölkə futbolu2024-05-20 14:38
Şansı qaçırmayan “Neftçi”, “Zirə”nin qələbəsində Rəhimin “əli”
- Ölkə futbolu2024-05-21 16:00
“Qarabağ”ın ÇL-in yeni mövsümünə 2-ci mərhələdən başlaması ehtimalı böyükdür” – Asif Əsgərov