Müsahibə
Mahmud Qurbanov: "Milliyə daha təcrübəli məşqçi rəhbərlik etməlidi"
Futbol üzrə Azərbaycan milli komandasının məşqçisi M…
Futbol üzrə Azərbaycan milli komandasının məşqçisi Mahmud Qurbanovun futbolinfo.az saytına müsahibəsi
– Ötən gün Türkiyədə olmusuz və PTT 1-ci Liqasında Cavid İmamverdiyevin çıxış etdiyi "Elazığspor"un oyununu izləmisiz. İmamverdiyevin çıxışı sizdə necə təəssürat yaratdı?
– Çoxdandı Cavidin oyununu görmürdük. Çünki Azərbaycandan kənarda oynayır. O, da həmin matçda start heyətdə meydana çıxdı və normal oynadı.
– O, 46-cı dəqiqədə meydandan çıxarıldı. Cavid əvvəlki oyunu ilə müqayisədə, zəifləyib, ya necə?
– Çoxdan idi ki, onun oyununu izləməmişdim. Amma dünənki matçda… Türkiyə 1-ci Liqasında da çox mübarizəli oyun gedir. Xoşum gəldi ki, Cavid də həmin matçda müsbət mənada aqressiv oyun göstərdi.
– Həmin çempionatda digər azərbaycanlı futbolçular da çıxış edir. "Karşıyaka"da çıxış edən Mahir Şükürov da son turda qol vurdu. Ümumiyyətlə, Türkiyədəki futbolçularımızın oyunlarını izləməyə davam edəcəksiz?
– Növbəti toplanışa az qalıb. Mahir də yaxşı qol vurdu. Həmin qolun videosunu izlədik. Vaqiflə Rəhman da oynadı. Məncə, onların oyunu gələcəkdə də nəzarətdə olacaq.
– Baş məşqçi Berti Foqtsun istefasından sonra onun köməkçisi kimi milli komandaya siz rəhbərlik edirsiz. Həmin postda müvəqqəti yox, uzunmüddətli qalmağı necə qiymətləndirərdiz?
– Bu postda qalmağımdan danışmaq istəməzdim. Düşünürəm ki, milliyə daha təcrübəli məşqçi rəhbərlik etməlidi.
– Milliyə baş məşqçi kimi mətbuatda bəzi yerli və əcnəbi mütəxəssislərin adları hallanır. Ümumiyyətlə, bu yöndə axtarışlar necə davam edir, nəsə irəliləyiş var?
– Mənim xəbərim yoxdu. Çünki o, mənə aid olan məsələ deyil.
– Artıq müəyyən vaxtdı milidə çalışırsız. Sizcə, yığmaya yenə əcnəbi baş məşqçi rəhbərlik etsə, yaxşı olar, yoxsa yerli?
– Mən bu barədə heç nə deyə bilmərəm. Əsas odu ki, gələn məşqçi yığmaya xeyirli olsun.
ELMAR VƏLİYEV
- Ölkə futbolu2024-05-14 08:00
İcraiyyə Komitəsinin gözlənilən qərarları
- Ölkə futbolu2024-05-14 14:32
“Turan Tovuz”dan gedəcək futbolçuların siyahısı dəqiqləşir
- Ölkə futbolu2024-05-15 09:42
Klublarımızın rəqibləri bəlli olur: yalnız “Neftçi” səpələnmişlərdə olacaq
- Ölkə futbolu2024-05-15 15:38
AFFA 6 kluba lisenziya verdi