Müsahibə
Stepan Polyak: "Avropa Liqasını yox, növbəti oyunumuzu fikirləşməliyik"
"Simurq"un xorvatiyalı yarımmüdafiəçisi Stepa…
"Simurq"un xorvatiyalı yarımmüdafiəçisi Stepan Polyakın futbolinfo.az saytına müsahibəsi
– Topaz Premyer Liqasının 10-cu turu çərçivəsində AZAL-la 2:2 bərabərə qaldız. Bu oyunu necə şərh edərdiz?
– Maraqlı oyun keçdi. Qalib gəlsəydik, daha yaxşı olardı. Təəssüf ki, alınmadı.
– Belə çıxır ki, heç-heçədən narazı qalmısız?
– Son dəqiqədə vurduğumuz qola baxanda, bu nəticəni yaxşı hesab etmək olar. Amma qalib gəlmək üçün çox imkanlarımız oldu. Hesab 1:1 olarkən, önə keçmək üçün çoxlu şanslarımız oldu. Qapımıza penalti təyin olundu. Sonra isə rəqib növbəti qolu vurdu. Buna baxmayaraq, bu gün daha yaxşı oynadığımızı hesab edirəm. Amma bu, futboldu, bəzən yaxşı oynamadan belə qalib gələ bilərsiz. Hesab edirəm ki, bu nəticəyə görə xoşbəxt olmalıyıq.
– Cari mövsüm AZAL-la ilk oyunda qalib gəlmişdiz. Həmin vaxtdan bəri rəqib güclənib, yoxsa siz zəif təsir bağışlayırsız?
– Xeyr. Deməzdim ki, bu, belədi. Əslində, biz bu gün yaxşı oynadıq. Epizodlarımız da oldu, amma həmin şanslardan yaxşı istifadə edə bilmədik. Bəli, sizinlə razılaşıram ki, Zaqataladakı kimi oyun olmadı.
– Bəs buna səbəb nə idi?
– Səbəb deyəndə, meydan amilini də qeyd edərdim. Çünki buradakı süni ot örtüyü çox pis idi.
– Zaqataladakı meydan da süni ot örtüklüdü axı…
– Bəli, elədi. Amma Zaqataladakı qazon buradakından daha yaxşıdı. Artıq nə edə bilərik. Çalışacağıq ki, növbəti oyunda daha yaxşı nəticə qazanaq.
– Mövsüm yeni başlayanda baş məşqçiniz və komanda yoldaşlarınız deyirdi ki, hədəfimiz Avropa Liqasına vəsiqə qazanmaqdı. Siz necə fikirləşirsiz? Sizcə, "Simurq" bu oyunla Avroliqaya gedə biləcək?
– Əlbəttə ki, hələ də şansımız var. Amma Avroliqaya vəsiqə qazanmaq istəyiriksə, bugünkündən daha yaxşı oynamalıyıq və qalib gəlməliyik. Xüsusilə də, belə oyunları qaçırmamalıyıq. Amma hesab edirəm ki, biz Avroliqanı yox, növbəti oyunumuzu fikirləşməliyik.
– Növbəti oyun demişkən, gələn tur səfərdə "Xəzər Lənkəran"la qarşılaşacaqsız. Səfərdə onları udmaq heç də asan deyil. Bu barədə fikirlərinizi bilmək istəyərdik…
– Bəli. Biz də bilirik ki, onları öz meydanlarında məğlub etmək çox çətindi. Düzdü, ilk oyunda biz qalib gəlmişdik. Amma orada bizi ağır oyun gözləyir. Çünki "Xəzər Lənkəran" yaxşı komandadı.
– Komanda yoldaşın Əli Gökdəmir son dəqiqələrdə uzaqdan zərbə ilə hesabı bərabərləşdirdi. Sizcə, həmin qol qapıçının səhvi ucbatından oldu, yoxsa Əlinin məharəti idi? Çünki məsafə çox uzaqdı…
– Bilmirəm. Ola bilər ki, qapıçının da səhvi vardı. Amma Əli də yaxşı vurdu. O, məşq zamanı belə zərbələr üzərində daim işləyir. Hesab edirəm ki, o zərbəni dəf etmək çox çətin idi.
ELMAR VƏLİYEV
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…