Ölkə kuboku
1/4 final mərhələsinin bütün cütləri müəyyənləşdi
Bu gün Azərbaycan kubokunda 1/8 final mərhələsinin oyunları …
Bu gün Azərbaycan kubokunda 1/8 final mərhələsinin oyunları keçirilib. Futbolinfo.az xəbər verir ki, bu oyunlardan sonra 1/4-in cütlükləri müəyyənləşib.
Belə ki, 1-ci divizon təmsilçisi "Qaradağ Lökbatan"ı 3:0 hesabı ilə məğlub edən "Neftçi" "Neftçala" üzərində qələbəyə (2:1) sevinən AZAL -a rəqib olub.
Aşağı liqa təmsilçisi MOİK-i 4:2 hesabı ilə üstələyən son çempion "Qarabağ"ın da rəqibi bəlli olub. Ağdamlılar gərgin keçən və penaltilər seriyasında "Sumqayıt"ı məğlub edə bilə "Bakı" ilə qarşılaşacaq.
"Ağsu"nu 3:0 hesabı ilə darmadağın edən "Qəbələ" isə Zaqatalada "Rəvan"a 6 cavabsız qolla divan tutan "Simurq"un rəqibi olub.
"Şahdağ"ı 3 cavabsız qolla üstələyən "İnter" isə "Araz Naxçıvan" çempionatdan çəkildiyi üçün birbaşa bu mərhələyə vəsiqə qazanan "Xəzər Lənkəran"la üz-üzə gələcək.
1/4 final mərhələsinin cütlükləri aşağıdakı kimidi:
"Neftçi" – AZAL
"Bakı" – "Qarabağ"
"Simurq" – "Qəbələ"
"İnter" – "Xəzər Lənkəran"
"Bakı" – "Qarabağ"
"Simurq" – "Qəbələ"
"İnter" – "Xəzər Lənkəran"