Dünya futbolu
Nazir "Lans"a kömək vəd etdi
Fransada səfərdə olan Azərbaycanın gənclər və idman naziri Aza…
Fransada səfərdə olan Azərbaycanın gənclər və idman naziri Azad Rəhimov yerli "Lans" klubunun üzləşdiyi problemlərlə bağlı açılama verib. Futbolinfo.az xəbər verir ki, O, bir neçə gün öncə klub prezidenti Jerve Martellə də bu barədə danışdıqlarını və iki ölkə arasındakı səmimi münasibətləri qorumaq üçün Fransa təmsilçisinə kömək etməyə hazır olduqlarını deyib:
"Klub prezidenti Jerve Martelə problemin həllinə dəstək olmaq üçün bütün mümkün olanı edəcəyimizi dedik. Məsələ həllini tapsa, çox şad olarıq. Hazırda Azərbaycan və Fransa arasındakı münasibətlər həqiqətən də yüksək səviyyədədi. Səmimi münasibətlərimizə bulud da kölgə sala bilməz".
Qeyd edək ki, "Lans" azərbaycanlı iş adamı və "Bakı" klubunun prezidenti Hafiz Məmmədova məxsusdu. Məmmədov kluba ödəməli olduğu məbləğin (10 milyon avro) bir miqdarını qarşılasa da, Jerve Martel yerdə qalan 2,5 milyon avronun dalınca aylardı Bakıya gedib-gəlir.