Dünya futbolu
“Sabah kimsə necə qalib gəldiyimizi xatırlamayacaq”
Mövsümün sonunda Dortmund “Borussiya”sından ayrılacağını açıqlayan Marko Roys xoşbəxtdir. O, 11 ildən sonra Çempionlar Liqasının finalında oynayacaqları üçün həddindən artıq sevinclidir.
Futbolinfo.az xəbər verir ki, təcrübəli hücumçu PSJ ilə dünənki cavab yarımfinal matçından sonra danışıb: “Bu qələbə izahedilməzdir. Uzun faslədən sonra yenə finaldayıq və dadını çıxarmalıyıq. Sabah kimsə necə qalib gəldiyimizi xatırlamayacaq. Kimsə qapıya doğru zərbələrin sayını, dirəklərə dəyən topları yada salmayacaq, çünki önəmi olmayacaq. Reallıq bizim finalda olmağımızdır və bunu kimsə bizdən gözləmirdi”.
Hər iki oyunda 1:0 hesabı ilə qalıb gələn Almaniya təmsilçisi 3-cü dəfə Çempionlar Liqasının finalında çıxış edəcək. Maraqlıdır ki, Roys son dəfə 11 il öncə bunu bacaran dortmundluların heyətində debüt mövsümünü keçirirdisə, indi vidaya hazırlaşır. Və hər iki halda həlledici qarşılaşma İngiltərənin “Uembli” stadionunda baş tutur.
- Milli komanda2024-05-08 12:17
Millimizin gələcək baş məşqçisi Bakıya gəlir
- Milli komanda2024-05-06 15:32
Millimizin yoldaşlıq oyununda daha bir rəqibi müəyyənləşdi
- Digər idman növləri2024-05-06 17:45
AVF rəhbərliyi Antalyada milli üzvləri ilə görüşdü
- Milli komanda2024-05-07 14:20
Kunts – AFFA-nın, yoxsa Nəsirovun namizədi?