Dünya futbolu
Mourinyonun PSJ arzusu
"Çelsi"nin baş məşqçisi Joze Mourinyo koman…
"Çelsi"nin baş məşqçisi Joze Mourinyo komandasının Çempionlar Liqasında qrup lideri kimi pley-offa vəsiqə qazanmasından sonra klubun saytına müsahibə verib. Futbolinfo.az xəbər verir ki, ötən gecə “Sportinq”lə oyundan (3:1) sonra açıqlama verən portuqaliyalı məşqçi 1/8 finalda PSJ ilə görüşmək istədiyini deyib:
"Bizim ehtimal olunan 5 rəqibimiz var. Onların hər biri özlüyündə güclüdü. Bəlkə də püşkdə "Bazel"in düşməsini arzu edənlər bunun daha uyğun variant olduğunu düşünür. Amma bu komanda ötən mövsüm 2 dəfə bizə yenilgi yaşatmışdı. İsveçrə klubu bir neçə il əvvəl "Mançester Yunayted"i, bu mövsüm isə "Liverpul"u məğlub edib. Daha çox PSJ ilə qarşılaşmaq istərdim. Bizə və azarkeşlərə Fransaya getmək asan başa gələr. Amma hər şeyi püşkatma müəyyən edəcək”."Mançester Siti" və "Arsenal"ın turnirdə yoluna davam etməsinə sevinirəm”.
51 yaşlı çalışdırıcı İngiltərə klublarının avrokuboklardakı çıxışını isə belə dəyərləndirib: “Mən Çelsi"də çalışıram və ingilis futbolunun prestijinə azarkeşlik edirəm. Bununla yanaşı, "Liverpul", "Tottenhem" və "Everton" Avropa Liqasında 1/16 finalda mübarizə aparacaq. Hər 3 komandaya uğurlar arzulayıram. Digər tərəfdən Premyer Liqada əsas rəqiblərimiz 2 cəbhədə oynayır. "Mançester Yunayted" avrokuboklarda çıxış etmir. Ötən il "Liverpul"un malik olduğu bu üstünlük indi onların tərəfindədi. "Liverpul" istisna olmaqla, böyük klublar Çempionlar Liqasının 1/8 final mərhələsinə vəsiqə qazandı. Turnirdə birinci olmağı hədəfləyən bütün komandalar mübarizəni davam etdirir. Əsl Çempionlar Liqası bundan sonra başlayır. 2013/14 mövsümündə ən güclü 4 komandadan biri olmasaq da, yarımfinala çıxmışdıq. Uzaq gələcəyə baxmaq lazım deyil. Addım-addım irəli gedəcəyik".
Qeyd edək ki, “Çelsi” ötən mövsüm ÇL-in 1/4 finalında PSJ-ni mübarizədən kənarlaşdırmışdı.