Dünya futbolu
"Bu məbləği versələr, Sneyderin getməsinə mane olmarıq"
“Qalatasaray"ın yeni prezidenti Duyğun Yarsuvat maliyyə …
“Qalatasaray"ın yeni prezidenti Duyğun Yarsuvat maliyyə sıxıntısı səbəbindən yanvarda satılacağı deyilən Uesli Sneyder və Fernando Muslera haqqında açıqlama açıqlama verib. Futbolinfo.az xəbər verir ki, Yarsuvat qış fasiləsində bir neçə futbolçu ilə yollarını ayıracaqlarını, amma transfer etmək ehtimalının zəif olduğunu diqqətə çatdırıb:
"Çempionlar Liqasında mübarizəni dayandırdıq. Buna görə məyus olmuşuq. Amma artıq Superliqaya diqqət yetirməyin vaxtıdı. Türkiyə çempionu olmaq üçün əlimizdən gələni edəcəyik. Maddi sıxıntılarımız olduğunu hər kəs bilir. Satılacaq başqa futbolçular var. Lakin bunların arasında Sneyder və Musleranın adı yoxdu. Fikrimiz dəyişməyəcək. Ueslinin komandadan buraxılması üçün 15 milyon avro ödənilməlidi. Əgər bu pulu versələr, hollandiyalı futbolçunun getməsinə mane olmarıq. Amma Musleranı satmaq fikrimiz yoxdu. Ümumi götürsək, hər ikisi böyük ehtimalla "Qalatasaray"da qalacaq. Göndəriləcək futbolçularla görüşdük və yeni klub axtarmağı məsləhət gördük. Yanvara qədər transferə çıxarılacaq futbolçuların sayı arta bilər. Mövcud şəraitlə əlaqədar transfer etməyi planlaşdırmırıq. Eyni zamanda münasib variantları dəyərləndirə bilərik".