Əvəzedicilər
Samir Abbasovun "söyüş boxçası"
Əvəzedicilərin çempionatı diqqətdən kənarda qalsa da, ə…
Əvəzedicilərin çempionatı diqqətdən kənarda qalsa da, əslində bu oyunlarda Topaz Premyer Liqasındakından daha çox hadisələr baş verir. Bu hadisələr o qədər müxtəlif və ağılagəlməz olur ki…
“Qarabağ” – “Sumqayıt” qarşılaşmasında da çox hadisə yaşandı. Oyunun 4-cü hakimindən başlasaq, daha yaxşı olar. Bu vəzifəni AFFA-nın azsaylı qadın hakimlərindən olan Venera Kahriç yerinə yetirirdi.
Əslində, onun oyunda olmağı tərəflərin nisbətən təmkinli və mübahisəsiz davranmaqlarına zəmin yaratmalı idi. Təəssüf ki, əksi baş verdi. Matç ərzində bir neçə dəfə hakimin qərarına sərt reaksiya verən Samir Abbasovun köməkçi məşqçisini (baş hakimlə mübahisə edən) Venera xanım sakitləşdirə bilmişdi. Lakin onun bundan artığına gücü çatmamışdı. Görünür, Venera xanımı ciddiyə alan yox idi. Axı, bizdə belə bir düşüncə hakimdi: “Qadın hara, futbol hara?” Bu fikri “Qarabağ”ın köməkçi məşqçilərindən olan Aftandil Hacıyev də Kahriçin xəbərdarlığına biganə yanaşması və arxasınca gülərək, yanındakı həmkarına nəyisə deməyi bir daha sübut etdi.
Fasilədə isə gülməli hal yaşandı. “Qarabağ”ın qolkiperi Ağaseyid Qasımovun formasının “Sumqayıt”ın formasına oxşaması hakimlərin etirazına səbəb oldu. Lakin bunun da öz üsulumuzla, sadə yolla həllini tapdılar. Qapıçının futbolkasının ön hissəsinə ağ rəngli izolentlər yapışdırıldı və beləcə oxşarlıq aradan qalxdı. Bu hadisədən sonra “Sumqayıt”ın soyunub-geyinmə otağının qarşısına yaxınlaşdım. Komandanın baş məşqçisi Samir Abbasov rus dilində yetirmələrini təhqir edirdi. Bəlkə də Kahriçin hakim olması matç ərzində Abbasovun içində qalan söyüşləri fasilədə oyunçularına püskürməsinə zəmin yaratmışdı.
Və bütün bunların ardından heç nə olmamış kimi 2-ci hissə başladı. Qarşılaşma əslində, normal davam edirdi. Baş hakim Yusif Hüseynov “kimyaçılar”ın lehinə penaltini verməyənə qədər. Həmin andan etibarən söyüşlər eşidilməyə, mübahisələr artmağa başladı. Son nəticədə final fitindən sonra Samir Abbasovun köməkçisi baş hakim Yusif Hüseynova hücum etdi. Futbolçulardan tutmuş həkimlərə qədər hər kəs olaya müdaxilə edərək, aranı sakitləşdirməyə can atdı.
SEYMUR KƏRİMLİ
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…