Topaz Premyer Liqasının 12-ci turu paytaxt derbisi ilə əlamətdar olacaq. Futbolinfo.az xəbər verir ki, son turlarda inamlı çıxışı ilə irəliləyişə nail olan “İnter” geridə qalan 11 tur ərzində hamıdan çox – 21 qol buraxan “Rəvan”ı sınağa çəkəcək.
2 noyabr (şənbə)
58. “İnter” (Bakı) – “Rəvan” (Bakı)
+5=0-0, top fərqi 12-2
Paytaxt derbisinə “İnter” aşkar üstünlüklə çıxacaq. Kaxaber Sxadadzenin yetirmələri indiyədək 5 dəfə qarşılaşdığı rəqibini həmişə məğlub edib. Xala həsrət qalan “Rəvan” səfərdə rəqibinin qapısına yol tapa bilmir.