İngiltərə çempionatının son turunda səfərdə "Everton"la qarşılaşan "Tottenhem"in baş məşqçisi Andre Villaş Boaş bu görüşdəki qəribə qərarı ilə tənqid hədəfinə çevrilib. Futbolinfo.az xəbər verir ki, oyun vaxtı rəqib futbolçu Lukakuyla toqquşan fransız qapıçı Hüqo Loris huşunu itirib.
Qarşılaşmadan sonra Loris oyun ərzində baş verənləri xatırlamadığını bildirib. Amma ən qəribəsi futbolçunun belə bir ciddi zədə almasına rəğmən, matçın sonuna qədər meydanda qalmasıdı. Belə ki, portuqaliyalı baş məşqçi qapıçının sona qədər oynamasını istəyib.
İngiltərə mətbuatı isə bu hadisəyə görə Villaş Boaşı ciddi şəkildə tənqid atəşinə tutub.
