Zlatan İbrahimoviçin ardıcıl 10-cu dəfə ölkəsində ilin ən yaxşı futbolçusu seçilməsi haqqında yazmışdıq. Futbolinfo.az xəbər verir ki, mükafatlandırma mərasimində PSJ-nin hücumçusu surprizlə qarşılaşıb.
Belə ki, Avropa Çempionatının seçmə oyunları çərçivəsində keçirilən İsveç – Çernoqoriya matçından öncə Zlatana heyranlıqla baxan Melvin və Franklin adlı 2 uşaq da mərasimdə iştirak edib. Həmin uşaqlar forvardla eyni səhnəni bölüşüblər.
Qeyd edək ki, onların futbolçunu gördükləri anda verdikləri reaksiya televizyalarda və sosial şəbəkələrdə məşhur olmuşdu.