Bu gün Topaz Premyer Liqasında 15-ci tura start verilib. Futbolinfo.az xəbər verir ki, "Qarabağ" doğma meydanda "İnter"i qəbul edir.
Hazırda Tofiq İsmayılov adına Suraxanı qəsəbə stadionu ("Azərsun Arena") keçirilən matç 1 dəqiqəlik sükutla başlayıb. “Günəşli” neft yatağında həlak olan neftçilərin ruhuna ehtiram əlaməti olaraq, hər iki komanda qollarında qara sarğı ilə oynayır.
Bundan əlavə, dünən baş vermiş hadisəyə azarkeşlər maraqlı üsulla münasibət bildirib. Belə ki, hər iki komandanın tərəfdarları, fan-klublar səssizcə oyunu izləyirlər. Həmişə olduğundan fərqli onlar sevimlilərini dəstəkləmək üçün heç bir şüardan istifadə etmirlər.