Topaz Premyer Liqasında mübarizə aparan klubların əvəzedici heyətlərinin qalibləri bu gün mükafatlandırılacaq. Futbolinfo.az xəbər verir ki, Topaz Premyer Liqasının 28-ci turu çərçivəsində "Bakcell Arena"da keçirilən "Neftçi" – "Qarabağ" matçı başa çatan kimi, bu stadionda əvəzedicilər arasındakı birinciliyin mükafatçıları öz medallarına qovuşacaqlar.
Qeyd edək ki, əvəzedicilərin çempionatında son turun həlledici görüşündə “Neftçi”ni üstələyən “Qarabağ” yarışın qalibi oldu. Gümüş medallara “Qəbələ", bürünc medallara isə “Neftçi” sahib çıxdı.