Futbol üzrə Portuqaliya Kubokunda 1/16 final mərhələsinin oyunları keçirilir.
Futbolinfo.az xəbər verir ki, Avropa Liqasının qrup mərhələsi çərçivəsində “Qarabağ”ın rəqibi olan “Sportinq” də bu turnirdə növbəti matçına çıxıb.
Sözügedən kollektiv səfərdə aşağı liqa təmsilçisi “Lusitano” ilə qarşılaşıb. Lissabon təmsilçisi bu oyunda darmadağınla qalib gələrək 1/8 finala yüksəlib – 4:1.
Avroliqanın E qrupunda yer alan "Sportinq" "Qarabağ”la ilk turda doğma meydanda üz-üzə gəlib və 2:0 hesabıyla qalib gəlib. Bu komandalar arasındakı cavab matçı isə noyabrın 29-da Bakıda baş tutacaq.