Ötən mövsümü Polşa 3-cü liqasında KSZO klubunda keçirən azərbaycanlı futbolçu Fuad Bayramov hazırda klubsuzdur. Bu barədə futbolinfo.az saytına yarımmüdafiəçinin özü məlumat verib.
O bildirib ki, təkliflər olsa da, maddi cəhətdən aşağı səviyyəli klublardır: “Bu cür variantlar var, amma mən oynamaq istəmirəm. Daha yaxşı maddi təklifi olan klub gözləyirəm. İstəyirəm ki, həm də bir az yaxşı komandada çıxış edim”.
Bayramov Polşadan Azərbaycana gəlmək istəmədiyini, həmişəlik orada yaşamaq arzusunda olduğunu açıqlayıb: “Həmişəlik burada qalıb, özümə həyat qurmaq istəyirəm”.