MBA-nın müntəzəm çempionatında dünən “Finiks Sans”la “Portlend Treyl Bleyzers” arasında görüş keçirilib. Qarşılaşmada meydan sahibləri 120:116 hesabı ilə qələbə qazanıblar.
Qalib komandanın heyətində Kevin Dürant görüşü 31 xalla tamamlayıb. Bununla da o, MBA tarixində ən məhsuldar basketbolçuların siyahısında 11-ci pilləyə yüksəlib. 35 yaşlı forvard bu vaxta qədər karyerası ərzində 27 314 xal toplayıb. Bu siyahıya 39 min həddini dünən keçən Lebron Ceyms başçılıq edir. Kərim Abdul Cabbarın 38 387 xalı var. 3-cü pillədə isə “Yuta Caz” komandasının keçmiş basketbolçusu Karl Meloundur. O, karyerası ərzində 36 928 xal toplayıb.
Xatırladaq ki, Kevin Dürant bu ilin fevralında “Finiks Sans” komandasına keçib. Hazırda onun çıxış etdiyi komanda Qərb konfransında 7-ci yerdə gedir.