MHL-in “Çikaqo Blekhouks” komandası əfsanəvi hokkeyçilərindən biri Kris Çeliosun nömrəsini əbədiləşdirməyi planlaşdırır. Mərasim komandanın əzəli rəqibi “Detroyt Red Vinqs”lə oyununda baş tutacaq. Tədbirdə Maykl Cordan da iştirak edə bilər.
“Mərasimə bütün yaxınlarımı, karyerama təsir edən hər bir kəsi dəvət etməyə çalışacağam. Maykl 90-cı illərdə həyatımın əsas hissələrindən olub.
Dostlarım mənə dəstək vermək üçün yanımda olmalıdırlar. Sevdiyim və hörmət bəslədiyim insanlar çoxdur. Onları tədbirə dəvət edəcəyəm. Bu, mənim karyeramın son mükafatlandırmasıdır. Ona görə də maksimum faydalanmaq fikrindəyəm”, – deyə Çelios bildirib.
Kris 1990-1999-cu illərdə “Blekhouks”un şərəfini qoruyub. Onun çıxış etdiyi 7 nömrəli forma arenanın tavanından asılacaq.