MBA-da bu gecə 4 oyun baş tutub. Ən maraqlı oyunlardan biri Miluokidə olub. Lebron Ceymsin zədə səbəbilə buraxdığı qarşılaşmada qonaqlar qələbə qazanıblar.
Oyun iki basketbolçunun şousuna çevrilib. Meydan sahiblərinin ulduzu Yannis Antetokumbo tirpl-dabl edib. Onun aktivində 29 xal, 21 ribaund və 11 asist var. Qonaqların ulduzu Devis isə 34 xal və 23 ribaundla yadda qalıb. “Leykers” overtaymda 128:124 hesabı ilə qalib gələrək qələbə seriyasını davam etdirib.
“Qolden Steyt Vorriors” çox vacib qarşılaşmada qələbə qazanıb. Kaliforniya təmsilçisi Mayami Hits”i məğlub edib – 113:92. Bu qələbə sayəsində “Vorriors” pley-in zonasında yerini qoruya bilib.
“Nyu-Orlean Pelikans” doğma arenada “Oklahoma-Siti Tanders”lə bacarmayıb – 112:119. Sakramentoda isə “Dallas Maveriks” 132:96 hesablı qələbə qazanıb. Meydan sahiblərinin üzvü Domantas Sabonis MBA tarixinin rekord seriyasını artırıb. Bu dəfə də litvalı basketbolçu dabl-dabl edə bilib.